გართობა და ღამის ცხოვრება

ტურისტებისთვის საქართველო უკვე დიდი ხანია, აღარ არის მხოლოდ ლამაზი ბუნების მქონე, გემრიელი საკვებისა და საუკეთესო ღვინის ქვეყანა. ქარიზმატული ღამის კლუბები, არქეტიპული ბარები, ტრადიციული ღვინის მარნები და უგემრიელესი რესტორნები და თავბუდამხვვი კაზინოები საქართველოში თქვენს დასვენებას გიჟურ დაუვიწყარ მოგონებებად აქცევენ.

ელექტრონული მუსიკა თბილისს 10 წლის წინ მოედო, განსაკუთრებით კი ქალაქში ძველ საბჭოთა პერიოდის შენობებს და ისინი მუაღლესი დონის ღამის კლუბებად აქცია.  ამ მხრივ ავტორიტეტული ევროპული მუსიკალური გამოცემები თბილისს დიდი ხანია, ბერლინს ადარებენ. აქაური კლუბები ყოველ ვიქენდზე მასპინძლობენ ტოპ დიჯეებს ევროპიდან და დანარჩენი მსოფლიოდან. ასეთი ადგილები ქალაქში ბევრია: ბასიანი, მტკვარზე, ელექტროვერკი, ძველი იპოდრომი, ლისი ვანდერლენდი, ეზო მთაწმინდის პარკში, 4 
GBსაგურამოში და სხვა. ყველა მათგანს საკუთარი ისტორია, ინდივიდუალური სული და თავისებურად შთამბეჭდავი აურა აქვს. თქვენთვის საინტერესო ივენთის მოძებნას მარტივად შეძლებთ მათ ფეისბუქ გვერდებზე.

ზაფხულში გართობის ეპიცენტრი ზღვისპირეთში - ანაკლიაში და ბათუმში გადადის. ანაკლია მსოფლიოს ყველაზე გრძელი ელექტრონული მუსიკის ფესტივალი - ჯემ ფესტი გაიმართება, სადაც ერთი თვის განმავლობაში 500-ზე მეტი უმაღლესი დონის საერთაშორისო არტისტი დაუკრავს.  ბათუმში კი  მთელი ზაფხულის განმავლობაში გართობა არ წყდება. შავი ზღვა, მცხუნვარე მზე და ღამის ცხოვრება ამ ქალაქს სამუდამოდ დაგამახსოვრებთ. მთავარი მუსიკალური მოვლენა აქ ბათუმის ჯაზზ ფესტი 2017-ია. ლაინაფი შეგიძლიათ, წინასწარ დაგუგლოთ და ბილეთები ონლაინ დაჯავშნოთ.

შემოდგომაზე, როცა რთველია, გასართობად ყველაზე კარგი ადგილი ღვინის მარნებია. აქ შეგიძლია ნახო, როგორ იკრიფება ყურძენი, იწურება და კეთდება ღვინო. მარნები განსაკუთრებით ხშირად შეგხვდებათ კახეთში, რადგან საქართველოში მეძვინეობის მთავარი მხარე სწორედ ის არის. თბილისში შემოდგომაზე და გაზაფხულზე უამრავი გასტრონომიული ფესტივალი იმართება - თბილისობა, ყველის ფესტივალი, ახალი ღვინის ფესტივალი და სხვა.

ზამთარში საქართველოში ჰაერის ტემპერატურა ეცემა, გართობის კი - არა. ესტუმრეთ თბილისის ბარებს, ჩაის და ყავის სახლებს, რესტორნებს. გასინჯეთ უგემრიელესი ღვინო და საკვები. ღამის კლუბებიც მუდამ ხალხით და გემოვნებიანი ივენთებითაა სავსე.

ამდენი გართობის შემდეგ, თუ მოდუნებას და წყნარად დასვენებას გადაწყვეტთ, ქვეყნის მასშტაბით აუცილებლად იპოვით თქვენთვის შესაფერისს საკურორტო ზონას დამახასიათებელი სპა პროცედურებით და მინერალური წყლებით, რომელიც გაგაჯანსაღებთ და სიცოცხლისთვის საჭირო ახალ ენერგიას შეგმატებთ. 





სხვა აქტივობები

დატოვეთ კომენტარი