ქუთაისი, იმერეთის მთავარი ქალაქია, სიდიდიდ მეორე ქალაქია თბილისის შემდეგ. დახვეწილი, ხეებით გაფორმებული ქუჩები, მე-19 საუკუნის სახლები და მიმზიდველი პარკები. ქუთაისი გარშემორტყმულია ულამაზესი ადგილებით და მრავალი სანახაობაა. ებრაულ კვარტალში წარმოდგენილია რამოდენიმე სინაგოგა, რაც ხაზს უსმევს ქართულ-ებრაულ ურთიერთობებს. ქალაქის უდიდესი სინაგოგა, აგებულია 1886 წელს და 500 ადგილიანი მრევლისთვის არის გათვლილი, ხოლო დიდებული ბაგრატის და გელათის ეკლესიები, შეტანილია იუნესკოს მსოფლიოს მემკვიდრეობების სიაში, რაც ადასტურებს ქალაქის მნიშვნელობას.


Sights in ქუთაისი


ქუთაისი
ბაგრატის ტაძარი

X-XI საუკუნეების ტაძარს თავისი ხუროთმოძღვრული და მხატვრული ღირებულებით განსაკუთრებული ადგილი უჭირავს ქართული არქიტექტურის ისტორიაში. მის.: ბაგრატის ქუჩა N 25

ქუთაისი
გელათი

ტაძარი ქ. ქუთაისის ჩრდილო-აღმოსავლეთით, მე-11 კმ-ზე მდებარეობს. 1125 წელს აგებული სამონასტრო კომპლექსი, რომელიც ამჟამად იუნესკოს მსოფლიო კულტურული მემკვიდრეობის ძეგლების სიაშია შეტანილი, შუასაუკუნეების უმნიშვნელოვანეს რელიგიურ, კულტურულ-საგანმანათლებლო ცენტრს წარმოადგენდა. სწორედ, ამ ტაძარშია დასვენებული მეფე დავით აღმაშენებელი. მის.: სოფ. გელათი

ქუთაისი
მოწამეთა

ტაძარი ქ. ქუთაისიდან 6 კმ-ს დაშორებით მდებარეობს. სამონასტრო ანსამბლი VIII საუკუნეში არგეთის მთავრების წმინდა მოწამეთა დავით და კონსტანტინე მხეიძეების მიერ არის აგებული. მათი წმინდა ნაწილები დღემდე ტაძარშია შემონახული და არსებობს თქმულება, რომ თუკი ამ სიწმინდეების ქვეშ გაძვრები ჩათქმული სურვილი აუცილებლად აგისრულდება. მის.: სოფ. მოწამეთა

ქუთაისი
ქუთაისის სახელმწიფო ისტორიული მუზეუმი

მუზეუმში 150,000-ზე მეტი ექსპონატია დაცული. მათ შორის ქვეყნის კულტურული მემკვიდრეობის უნიკალური ნიმუშები ძვ.წ. VII - IX სს-დან გვიან შუასაუკუნეების ჩათვლით. მის.: პუშკინის ქ. N 12

ქუთაისი
ქალაქის ისტორიული უბანი

ქ. ქუთაისის ისტორიული ნაწილი - სამეფო უბანი მოიცავს თეთრი ხიდის მიმდებარე ტერიტორიას, ცისფერყანწელთა, წმინდა ნინოს, წერეთლისა და პუშკინის ქუჩებს.

ქუთაისი
ვანის არქეოლოგიური მუზეუმი

მუზეუმი მდებარეობს ვანის ანტიკური ნაქალაქარის მიდამოებში და მასში დაცული სტაციონ-არული ექსპოზიცია ასახავს ვანის ტერიტორიაზე არსებული კულტურის განვითარების პერიოდს ძვ. წ. VIII ს.-დან I ს.-ის ჩათვლით. აქ წარმოდგენილია ბრინჯაოს ქანდაკებები და მათი ცალკეული ფრაგმენტები; ოქროს, ვერცხლისა და ბრინჯაოს ნაკეთობანი, ნუმიზმატიკის ნიმუშები და სხვ. მის.: ლორთქიფანიძის ქ. N 22, ქ. ვანი

ქუთაისი
სათაფლიის აღკვეთილი

სათაფლიის ნაკრძალი ქ. ქუთაისის ჩრდილო-დასავლეთით, 6 კმ-ს დაშორებით მდებარეობს. ნაკრძალში დაცულია შესანიშნავი ტყე, რომელიც ხუთას ჰექტარს მოიცავს. ტერიტორიაზე შესაძლებელია დინოზავრის ნაკვალევის საკონსერვაციო ნაგებობის მონახულება; კარსტული მღვიმის დათვალიერება; შუშის პანორამულ გადასახედზე გასვლა და სხვა საინტერესო-სათავგადასავლო აქტივობების განხორციელება. მის.: სოფ. ბანოჯა

ქუთაისი
პრომეთეს მღვიმე

პრომეთეს კარსტული მღვიმე ქ. ქუთაისიდან 40 კმ-ს დაშორებით, წყალტუბოს მუნიციპალიტეტში მდებარეობს. მღვიმეში მრავლად არის წარმოდგენილი სტალაქდიტები, სტალაგმიტები, ფარდები, გაქვავებული ჩანჩქერები, მიწისქვეშა ტბები და სხვა. ვიზიტორს ამ ულამაზესი ადგილს დათვალიერება შეუძლია როგორც ფეხით, ასევე ნავის საშუალებით.

ქუთაისი
კაცხის სვეტის სამონასტრო კომპლექსი

კირქვის სვეტისებრი 40 მეტრიანი კლდე ჭიათურის მუნიციპალიტეტში მდებარეობს. სვეტის თავზე შემორჩენილია ეკლესიის ნაშთი, კრიპტა (აკლდამა), სენაკები, მარანი და გალავანი. მის.: სოფ. კაცხი

ქუთაისი
გორდას კანიონი

ბუნების ეს ძეგლი ხონის მუნიციპალიტეტში, მდინარე ოკაცეს ხეობაში მდებარეობს. კანიონის სიგრძე 14 კმ-ა, სიგანე 3-20 მ-ის, ხოლო სიღრმე 20-100 მ.-ის შუალედში მერყეობს. ხეობის ნაპირები ტყის ბუჩქნარითა და ბზითაა დაფარული.მის. სოფ. გორდი

სხვა მიმართულებები

DESTINATIONS
  • ბორჯომი
    ...
  • გორი
    ...
  • ყაზბეგი
    ყაზბეგის ეროვნული პარკი კავკასიონის ქედის ჩრდილო კალთებზე ისტორიულ ხევში ...
  • მესტია
    მესტია ზემო სვანეთის რეგიონალური ცენტრია რომელიც მდებარეობს საქართველოს ...