ქალაქ ზუგდიდი არის დედაქალაქი სამეგრელო-ზემო სვანეთის რეგიონის, რომელიც აერთიანებს სამეგრელოსა (ნაწილობრივ) და სვანეთს. სახელწოდება "ზუგდიდი" წარმოიშვა“ ზურგ-დიდიდან ". ზუგდიდი ოდიშის სამთავროს პოლიტიკური, ადმინისტრაციული და კულტურული ცენტრი იყო. აგრეთვე იყო ქართული მწიგნობრობის მნიშვნელოვანი კერა. აქ ამრავლებდნენ ხელნაწერებს. ლიტერატურული საქმიანობა განსაკუთრებით გაჩაღდა ლევან II დადიანის კარზე. ზუგდიდის დადიანების სასახლეთა ისტორიულ-არქიტექტურული მუზეუმი, სადაც ინახება მსოფლიო მნიშვნელობის სამუზეუმო ექსპონატები და მართლმადიდებლური სიწმინდეები. იტალიელმა მისიონერებმა სიწმინდეები სამეგრელოში ჩამოაბრძანეს. ასევე სასახლეში ინახება „ნაპოლეონის ნიღაბი“, რომელიც სამია მსოფლიოში ერთი მათგანი პარიზშია, ხოლო მეორე ლონდონში. მუზეუმის გარშემო მდებარეობს სამეგრელოს მთავარ დადიანთა მიერ გაშენებული ტყე-პარკი 67 ჰექტარზე, სადაც ხარობს მსოფლიოს სხვადასხვა კუთხიდან ჩამოტანილი ხეების უნიკალური და მრავალწლიანი ხეები და ბუჩქები.

ისტორიულად ზუგდიდის დედაქალაქი სამთავრო სამეგრელოს (ოდიშის), სანამ 1867 წელს, როდესაც სამთავროს გაუქმდა რუსეთის იმპერიის მიერ. 1993 წელს იყო ადმინისტრაცია საქართველოს პირველი პრეზიდენტის, ზვიად გამსახურდიას.


Sights in ზუგდიდი


ზუგდიდი
სამეგრელოს მთავრების დადიანების სასახელე-მუზეუმი (XIXს)

მუზეუმი გამოირჩევა არქიტექტურით და უნიკალური ტყე-პარკით. მუზეუმში დაცულია 45000 მსოფლიო მნიშვნელობის ექსპონატი. აქ ისტორია ქვის ხანიდან იწყება! ტურისტებში განსაკუთრებულ ინტერესს იწვევს ნაპოლეონის სიკვდილშემდგომი ნიღაბი და წმინდა მარიამის კვართი.

ზუგდიდი
ანაკლიას და განმუხურის სანაპირო ზოლი

შავი ზღვის კურორტები, რომელთაც ერთმანეთთან აკავშირებს 552მ-იანი საფეხმავლო ხიდი, იზიდავს ტურისტებს ქვიშიანი პლაჟებით, ბულვარით, სასტუმროებით, აკვაპარკითა და იახტკლუბით.

ზუგდიდი
კოლხეთის ეროვნული პარკი

ანაკლია-ჭურიის მონაკვეთი გამოირჩევა ქვიშიან დიუნაზე ტორფიანი ჭაობებით, სფაგნუმით, რელიქტური, გადაშენების პირას მყოფი და იშვიათი მცენარეებით, თევზებით, გადამფრენი ფრინველებით. პარკი ძალიან მიმზიდველია ეკოტურისტებისათვის მთელი წლის განმავლობაში.

ზუგდიდი
ქუაქანცალიას მოქანავე ლოდი

ქუაქანცალიას ლოდი, მის გარკვეულ წიბოზე, თუნდაც სუსტი დაწოლით ქანაობს და კაკუნის ხმას გამოსცემს. ქუაქანცალიას მოქანავე ლოდის თავისებურებას განსაზღვრავს მისი შემადგენლობა (კირქვა) და ის ფაქტორიც, რომ იგი კარსტულ მასივზე მდებარეობს. მის: წალენჯიხის მუნიციპალიტეტი

ზუგდიდი
ხობის მონასტერი

XIII-XV საუკუნეებით დათარიღებული ფრესკებით მოხატული ხობის მონასტერი, ძველ დადიანთა საძვალე, 20-მდე მიწისზედა და 300-მდე მიწისქვეშა ძეგლი, ძველი კოლხური ნამოსახლარებიდიხაგუძუბები - ეს ყველაფერი საინტერესო არეალია არქეოლოგიით გატაცებული ტურისტებისა და პილიგრიმებისათვის. მის: ქ. ხობი

ზუგდიდი
სქური

კურორტი სქური ცნობილია სამკურნალო თვისებების მქონე მინერალური წყლით - „სქური“. ულამაზეს სქურის ხეობაში ფუნქციონირებს მამათა მონასტერი, აქვე მდებარეობს “თეთრი ციხე”, რომელიც დათარიღებულია I-III საუკუნეებით.

ზუგდიდი
„ოცინდალეს“ კომპლექსი

კომპლექსში შემავალი საბრძოლო კოშკი მეექვსე საუკუნეშია აგებული. ძეგლი მდებარეობს ზღვის დონიდან 759 მეტრზე და გადაჰყურებს კოლხეთის დაბლობს. აქვეა XIV საუკუნის წმ.გიორგის სახელობის ეკლესია. მის: სოფ. თაია, ჩხოროწყუს მუნიციპალიტეტი

ზუგდიდი
შურუბუმუ

შურუბუმუ ბუნების ერთ-ერთ საინტერესო ობიექტს წარმოადგენს. კარსტული მღვიმე სათავეს იღებს მიგარიის მასივში. აქ არის ულამაზესი კანიონი, რომელიც გარშემორტყმულია ათასწლოვანი ბზის ტყით. მის: სოფ მუხური, ჩხოროწყუს მუნიციპალიტეტი

ზუგდიდი
ინწრას კანიონი

მდ. ინწრას აუზში მდებარე ეს მღვიმე გამოირჩევა სტალაქტიდებით, სტალაგმიტებითა და ჰელექტიდებით. მღვიმიდან გამოსული ნაკადი რამდენიმე მეტრში 26 მეტრის სიმაღლის ინწრას ჩანჩქერს წარმოქმნის. მის: სოფელი ჩქვალერი,

ზუგდიდი
ენგურის ჰიდროელექტროსადგური

ამიერკავკასიაში უდიდესი ჰესი მდინარე ენგურზე 1961 წელს აშენდა. ჰესის ნაგებობებში შედის 271,5 მ სიმაღლის თაღოვანი კაშხალი, რომელიც დაბა ჯვართან ქმნის ულამაზეს წყალსაცავს. მის: დაბა ჯვარი, წალენჯიხის მუნიციპლიტეტი.

სხვა მიმართულებები

DESTINATIONS
  • ბორჯომი
    ...
  • გორი
    ...
  • ქუთაისი
    ...
  • ყაზბეგი
    ყაზბეგის ეროვნული პარკი კავკასიონის ქედის ჩრდილო კალთებზე ისტორიულ ხევში ...