KA
Katskhi Pillar

კაცხის სვეტი

საქართველოში მრავალ გასაოცარ ბუნების ძეგლს შეხვდები, მათგან განსაკუთრებული კი კაცხის სვეტია, რომელიც ჭიათურის მუნიციპალიტეტში, სოფელ კაცხში, განდეგილივით დგას. ეს 40 მეტრი სიმაღლის კლდეა, რომლის წვერზეც ეკლესიაა.
რეგიონი
იმერეთი
ქალაქი
ჭიათურა

როგორ მოხვდები კაცხის სვეტთან?

აქამდე ჯერ სამანქანო გზით მოხვალ, შემდეგ კი ხეებით დაჩრდილულ, ქვაფენილიან და საფეხურებიან ბილიკს დაადგები, რომელიც სამონასტრო კომპლექსის ჭიშკართან მოგიყვანს. 

სვეტის ძირში სიმონ მესვეტეს სახელობის ეკლესიაა, ძველი გალავნის ნაშთები და სამრეკლო. კლდის წვერამდე 131-საფეხურიანი შვეული კიბე ადის.

რა არის კაცხის სვეტზე?

კაცხის სვეტზე ძველი ეკლესიის ნაშთებია. იქ, სვეტის დასავლეთით  უძველესი მარანია რვა ქვევრით, სადაც, სავარაუდოდ, ღვინოსა და წყალს ინახავდნენ. მარნის ქვევით, კლდეში მცირე ზომის სამი სენაკია გამოკვეთილი.  

ტაძრის ისტორიული წარსული

ტაძარი VIII-IX საუკუნეებშია აგებული, ხოლო ბოლნური ჯვარი, რომელიც კაცხის სვეტის ძირშია გამოკვეთილი, უფრო ადრეული - VI საუკუნისაა. 

კაცხის სვეტი ტექტონიკური ძვრების შედეგად წარმოქმნილი კლდოვანი მასაა და მისი ფართობი დაახლოებით 150 კვ.მეტრია. კლდის ძირი გამოფიტულია და ისეთ დაქანებას ქმნის, რომელიც კლდეს რთულსა და მიუდგომელს ხდის.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა