ოკაცეს კანიონის ბუნების ძეგლი ქუთაისიდან 42 კილომეტრში,  იმერეთის რეგიონში, ხონის მუნიციპალიტეტში,  სოფ. გორდის მიდამოებში მდებარეობს.

ოკაცეს კანიონის მეტად საინტერესო 2-3 საათიანი საფეხმავლო მარშრუტი დადიანების ისტორიულ ტყე-პარკსა და 780 მ სიგრძის კიდულ ბილიკს გაივლის და პანორამული გადასახედით სრულდება, სადაც ვიზიტორებს იქვე დამონტაჟებული სმარტ-სელფის აპარატით სამახსოვრო ფოტოსურათის გადაღება შეუძლიათ.

აქ შეგიძლიათ ნახოთ ოკაცეს 3-კასკადიანი ჩანჩქერი, დადიანების პარკი და მდინარე საწისქვილოს ხეობა. ოკაცეს კანიონზე ტურისტული სეზონი გრძელდება მთელი წლის განმავლობაში. აქტიური სეზონია აპრილიდან ოქტომბრის ჩათვლით.

ვიზიტორთა ცენტრი:  სოფელი გორდი