COVID-19 პანდემიასთან დაკავშირებით საქართველოს საზღვრის კვეთის რეგულაციები

 საქართველოში შემოსვლა 


2022 წლის 14 ივნისიდან, საჰაერო, სახმელეთო და საზღვაო საზღვრით შემოსულ ნებისმიერ პირს ეხსნება ვალდებულება წარადგინოს ვაქცინაციის სრული კურსის დამადასტურებელი დოკუმენტი ან ვიზიტამდე ბოლო 72 საათში ჩატარებული PCR ტესტის ნეგატიური პასუხი. ასევე გაუქმდა თვითიზოლაციის ვალდებულება.


უცხოელი ვიზიტორის საქართველოში დაინფიცირების დადასტურების შემთხვევაში:

1 მარტიდან, უცხოელი ვიზიტორის საქართველოში დაინფიცირების შემთხვევაში, ის ვალდებულია დააფიქსიროს აღნიშნული ინფორმაცია 112-ზე. ხოლო იზოლაციის ადგილი თავად უზრუნველყოს.


ვაქცინაცია

სახელმწიფო პროგრამების ფარგლებში შესყიდული ახალი კორონავირუსული დაავადების COVID-19-ის საწინააღმდეგო ვაქცინაცია, იმუნიზაციის სახელმწიფო პროგრამით განსაზღვრული მოსარგებლეების გარდა, გავრცელდეს შემდეგი კატეგორიის ბენეფიციარებზე:

  • საქართველოს ტერიტორიაზე ლეგალურად მყოფი უცხო ქვეყნის მოქალაქე/მოქალაქეობის არმქონე პირი (რომელთა ლეგალურად ყოფნა დასტურდება, შესაბამისი ვიზის, ბინადრობის ნებართვით ან უვიზო რეჟიმის ხანგრძლივობით), რომელიც იმყოფება საქართველოში და მისი შემოსვლიდან გასულია მინიმუმ 3 თვე;
  • სახელმწიფო პროგრამის “იმუშავე საქართველოდან” მონაწილე უცხო ქვეყნის მოქალაქეები და მათი ოჯახის წევრები;
  • საქართველოში განათლების მიღების მიზნით მყოფი უცხო ქვეყნის მოქალაქე სტუდენტები (რომლებმაც ვერ მოახერეხეს ქვეყნის დატოვება), შესაბამისი საგანმანათლებლო დაწესებულების მიერ წარმოდგენილი სიის საფუძველზე;
  • საქართველოში აკრედიტირებული დიპლომატიური წარმომადგენლობების, საკონსულო დაწესებულებების, საერთაშორისო ორგანიზაციების წარმომადგენლობების, აგრეთვე მათთან გათანაბრებული წარმომადგენლობების უცხოელი თანამშრომლები და მათი ოჯახის წევრები.
  • საქართველოს ოკუპირებულ ტერიტორიებზე მყოფი მოსახლეობა მოქალაქეობის მიუხედავად, ასევე ოკუპირებულ ტერიტორიაზე დიპლომატიური მისიებისა და საერთაშორისო დონორი ორგანიზაციების მიერ დაფინასებულ პროექტებში მომუშავე პირები და მათი ოჯახის წევრები.
  • პენიტენციურ დაწესებულებებში მყოფი პირები, იდენტიფიკაციის დამადასტურებელი ოფიციალური დოკუმენტის არქონის მიუხედავად.
  • №164 განკარგულებით განსაზღვრული უცხო ქვეყნის მოქალაქე, რომლის ოჯახის წევრს (შვილი, მშობელი,
    მეუღლე) წარმოადგენს საქართველოს მოქალაქე


ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციები

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები ტურ-ოპერატორებისა და გიდებისთვის - დანართი №15

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები სასტუმროებისთვის - დანართი №16

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები საზოგადოებრივი კვების ობიექტებისთვის - დანართი №17

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები ტრენინგ ცენტრების, კონფერენციების, სემინარებისა და მსგავსი ღონისძიებების მიმართ - დანართი №28


დამატებითი ინფორმაცია

  • 144 - მთავრობის ერთიანი ცხელი ხაზი
  • 1505 - ჯანდაცვის სამინისტროს ცხელი ხაზი
  • 1522 -ვაქცინაცცის ცხელი ხაზი
  • 0800800909 - სსიპ საქართველოს ტურიზმის ეროვნული ადმინისტრაციის ცხელი ხაზი
  • ელექტრონული ფოსტა: [email protected]

 

UPDATE: 14.06.2022