COVID-19 პანდემიასთან დაკავშირებით საქართველოს საზღვრის კვეთის რეგულაციები

 

კოვიდვაქცინით საქართველოში შემოსვლა საჰაერო გზით

  • ნებისმიერი ქვეყნის მოქალაქეს, რომელიც  საზღვრის კვეთისას წარმოადგენს ნებისმიერი კოვიდვაქცინის სრული კურსის ჩატარების დამადასტურებელ დოკუმენტს, შეეძლება საჰაერო გზით შემოსვლა.
  • საერთაშორისო საჰაერო მიმოსვლის შემთხვევაში ქვეყანაში შეზღუდვების გარეშე შემოსვლა შეუძლია უცხო ქვეყნის მოქალაქეს, რომელსაც ბოლო 100 დღის პერიოდში გადატანილი აქვს COVID-ინფექცია (დადასტურებული პსრ დადებითი ტესტით) და აცრილია ჯანმოს მიერ გადაუდებელი ავტორიზაცია მინიჭებული ნებისმიერი ვაქცინის ერთი დოზით (დაინფიცირებისა და აცრის თანმიმდევრობას არ აქვს მნიშვნელობა; აცრიდან გასულია არანაკლებ 14 დღისა).


კოვიდვაქცინით საქართველოში შემოსვლა სახმელეთო და საზღვაო გზით

  • სახმელეთო გზით შემოსვლა შეუძლია ნებისმიერი ქვეყნის მოქალაქეს, რომელიც საზღვრის კვეთისას წარმოადგენს ნებისმიერი კოვიდვაქცინის სრული კურსის ჩატარების დამადასტურებელ დოკუმენტს და ბოლო 72 საათში ჩატარებულ პსრ ტესტს.
  • საქართველოში შემოსვლისთვის 10 წლამდე ბავშვებს არ მოეთხოვებათ პსრ ტესტი.
  • საერთაშორისო სამგზავრო სახმელეთო და საზღვაო მიმოსვლის შემთხვევაში, ქვეყანაში შეზღუდვების გარეშე შემოსვლა შეუძლია უცხო ქვეყნის მოქალაქეს, რომელსაც ბოლო 100 დღის პერიოდში გადატანილი აქვს COVID-ინფექცია (დადასტურებული პსრ დადებითი ტესტით) და აცრილია ჯანმოს მიერ გადაუდებელი ავტორიზაცია მინიჭებული ნებისმიერი ვაქცინის ერთი დოზით (დაინფიცირებისა და აცრის თანმიმდევრობას არ აქვს მნიშვნელობა; აცრიდან გასულია არანაკლებ 14 დღისა). ხსენებულ დოკუმენტებთან ერთად უნდა წარადგინოს ბოლო 72 საათში ჩატარებული PCR ტესტის ნეგატიური პასუხი.
  • 1-ლი დეკემბრიდან, საქართველოს მოქალაქეები, რომლებიც საქართველოში არიან ვაქცინირებულნი და ქვეყანაში შემოდიან სახმელოთო საზღვრით, თავისუფლდებიან PCR ტესტის წარმოდგენის ვალდებულებისგან.


ერთი დოზა კოვიდვაქცინით და გადატანილი COVID-ინფექციით საქართველოში შემოსვლის რეგულაციები

საერთაშორისო საჰაერო მიმოსვლის შემთხვევაში ქვეყანაში შეზღუდვების გარეშე შემოსვლა შეუძლია უცხო ქვეყნის მოქალაქეს, რომელსაც ბოლო 100 დღის პერიოდში გადატანილი აქვს COVID-ინფექცია (დადასტურებული პჯრ დადებითი ტესტით) და აცრილია ჯანმოს მიერ გადაუდებელი ავტორიზაციამინიჭებული ნებისმიერი ვაქცინის ერთი დოზით (დაინფიცირებისა და აცრის თანმიმდევრობას არ აქვს მნიშვნელობა; აცრიდან გასულია არანაკლებ 14 დღისა).

ხოლო საერთაშორისო სამგზავრო სახმელეთო და საზღვაო მიმოსვლის შემთხვევაში, უცხო ქვეყნის მოქალაქემ, ზემოაღნიშნულ დოკუმენტებთან ერთად უნდა წარმოადგინოს ბოლო 72 საათში ჩატარებული PCR ტესტის ნეგატიური პასუხი.

⚠️ჯანმოს მიერ გადაუდებელი ავტორიზაციამინიჭებული ვაქცინები: ასტრაზენეკა (კორეული, ინდური), პფაიზერი, სინოფარმი, სინოვაკი, ჯონსონი და მოდერნა.


  • საქართველოს მოქალაქე, საქართველოში ვიზიტამდე ბოლო 72 საათში ჩატარებული PCR ტესტის არქონის შემთხვევაში – დაექვემდებარება 8-დღიან სავალდებულო თვითიზოლაციას (თვითიზოლაციის შეუძლებლობის შემთხვევაში – საკარანტინე სივრცეში გადასვლას);
  • საქართველოს თუ უცხო ქვეყნის მოქალაქეს, რომლებსაც უფიქსირდებათ უკანასკნელი 14 დღის განმავლობაში ინდოეთის რესპუბლიკაში  მოგზაურობის ისტორია, 14 დღით დაექვემდებარებიან საკარანტინე სივრცეში გადასვლას (საკუთარი ხარჯებით). ასევე, აუცილებელია სასაზღვრო გამშვებ პუნქტზე წარადგინონ საზღვრის კვეთამდე უკანასკნელ 72 საათის განმავლობაში ჩატარებული PCR კვლევის დამადასტურებელი დოკუმენტი;


იმ ქვეყნების ჩამონათვალი, რომელთა მოქალაქეებსა და რეზიდენტებს საქართველოს საზღვრის კვეთა ბოლო 72 საათში ჩატარებული PCR ტესტის უარყოფითი პასუხით შეუძლიათ, საქართველოში უნდა გამოემგზავრონ ამავე ქვეყნებიდან, მათ შორის, მესამე ქვეყნების ტრანზიტული მგზავრობისთვის გამოყენების უფლებით:

  • ევროკავშირის წევრი სახელმწიფოები
  • ისრაელის სახელმწიფო
  • თურქეთის რესპუბლიკა
  • შვეიცარიის კონფედერაცია
  • ნორვეგიის სამეფო
  • ამერიკის შეერთებული შტატები
  • დიდი ბრიტანეთისა და ჩრდილოეთ ირლანდიის გაერთიანებული სამეფო
  • საუდის არაბეთის სამეფო
  • კატარის სახელმწიფო
  • არაბთა გაერთიანებული საამიროები
  • ბაჰრეინის სამეფო
  • სომხეთის რესპუბლიკა
  • აზერბაიჯანის რესპუბლიკა
  • უკრაინა
  • ყაზახეთის რესპუბლიკა
  • რუსეთის ფედერაცია
  • ბელარუსის რესპუბლიკა
  • თურქმნეთი
  • უზბეკეთის რესპუბლიკა
  • ტაჯიკეთის რესპუბლიკა
  • ყირგიზეთის რესპუბლიკა
  • იაპონია
  • კანადა
  • ქუვეითი
  • ჩინეთი
  • სამხრეთ კორეა
  • მოლდოვა
  • ომანი
  • სან მარინოს რესპუბლიკა
  • მონაკოს სამთავრობო
  • სერბეთის რესპუბლიკა
  • ისლანდიის რესპუბლიკა
  • ლიხტენშტეინის სამთავრო
  • მონტენეგრო
  • ანდორის სამთავრო
  • ალბანეთის რესპუბლიკა
  • ჩრდილოეთ მაკედონიის რესპუბლიკა
  • ბოსნია და ჰერცოგოვინა
  • ლიბანის რესპუბლიკა
  • ერაყის რესპუბლიკა
  • იორდანიის ჰაშიმიდური სამეფო


ნებისმიერი ქვეყნის მოქალაქე, მათ შორის საქართველოს მოქალაქე, რომელსაც ბოლო 14 დღის განმავლობაში, უფიქსირდება ქვემოთ ჩამოთვლილ ქვეყნებში მოგზაურობის ისტორია, საქართველოში შემოსვლისას ექვემდებარება 14 დღიან იზოლაციას/კარანტინს საკარანტინე სივრცეში. 14 დღიანი იზოლაციის/კარანტინის დასრულების შემდეგ, პირებს ჩაუტარდებათ PCR კვლევა.

აღნიშნული ქვეყნებია:

  • სამხრეთ აფრიკა
  • ბოცვანა
  • ზიმბაბვე
  • ნამიბია
  • ლესოტო
  • ესვატინი (სვაზილენდი)
  • მოზამბიკი
  • მალავი

საქართველოს მოქალაქეების შემთხვევაში, საკარანტინე სასტუმროსა და PCR კვლევის ხარჯებს ფარავს სახელმწიფო, ხოლო უცხო ქვეყნის მოქალაქეების შემთხვევაში - თავად უცხო ქვეყნის მოქალაქე.


ეკონომიკური საქმიანობის ეტაპობრივი აღდგენის გეგმა

►  აღდგენილია სასტუმროების ფუნქციონირება სამთო კურორტებზე არსებული ეპიდემიოლოგიური სტანდარტებისა და რეგულაციების სრული დაცვით; სამთო კურორტებზე ფუნქციონირებს არსებული საბაგიროები, ეპიდემიოლოგიური სტანდარტებისა და რეგულაციების სრული დაცვით;

►  აღდგენილია საქალაქთაშორისო ტრანსპორტი;

►  1 დეკემბრამდე, კვების ობიექტების მუშაობა დასაშვებია 23:00 საათამდე; 

►  კონფერენციების და ტრენინგების,სემინარების გამართვა შესაბამისი პროტოკოლის დაცვით (70 პირის დაშვების ნებართვით);

► ტრენინგებზე, კონფერენციებზე და სემინარებზე მონაწილეთა დასწრება შესაძლებელია - 72 საათით ადრე ჩატარებული პსრ ტესტის, 24 საათით ადრე ჩატარებული სწრაფი ანტიგენის ტესტის ან სრული ვაქცინირების საფუძველზე, ასევე თუ ახალი კორონავირუსის ლაბორატორიულად დადასტურებიდან არ არის გასული 6 თვეზე მეტი;

► განსაზღვრული რეგულაციების დაცვით გაანახლეს ფუნქციონირება სპორტულ დარბაზებმა; განახლდა მუზეუმების და ბიბლიოთეკების საქმიანობა; განახლდა თეატრალური წარმოდგენები მაყურებლის დასწრებით, სპორტული კლუბების და შეჯიბრებების, პროფესიული ანსამბლების საქიანობა;

► მოხსნილი  გადაადგილებაზე დაწესებული შეზღუდვა;

► ძალაში რჩება შეზღუდვა ისეთი სოციალური ღონისძიებების გამართვასთან დაკავშირებით, რომელიც უკავშირდება ქორწილს, ქელეხს და ბანკეტს;

► პირბადის ტარება სავალდებულოა ღია სივრცეში ყველგან, სადაც 5 და მეტი ადამიანი იკრიბება.

 

თეატრებსა, ოპერაში და კინოებში მაყურებელთა რაოდენობა 30%-დან 50%-მდე გაიზარდა;

 

 


ვაქცინაცია

სახელმწიფო პროგრამების ფარგლებში შესყიდული ახალი კორონავირუსული დაავადების COVID-19-ის საწინააღმდეგო ვაქცინაცია, იმუნიზაციის სახელმწიფო პროგრამით განსაზღვრული მოსარგებლეების გარდა, გავრცელდეს შემდეგი კატეგორიის ბენეფიციარებზე:

  • საქართველოს ტერიტორიაზე ლეგალურად მყოფი უცხო ქვეყნის მოქალაქე/მოქალაქეობის არმქონე პირი (რომელთა ლეგალურად ყოფნა დასტურდება, შესაბამისი ვიზის, ბინადრობის ნებართვით ან უვიზო რეჟიმის ხანგრძლივობით), რომელიც იმყოფება საქართველოში და მისი შემოსვლიდან გასულია მინიმუმ 3 თვე;
  • სახელმწიფო პროგრამის “იმუშავე საქართველოდან” მონაწილე უცხო ქვეყნის მოქალაქეები და მათი ოჯახის წევრები;
  • საქართველოში განათლების მიღების მიზნით მყოფი უცხო ქვეყნის მოქალაქე სტუდენტები (რომლებმაც ვერ მოახერეხეს ქვეყნის დატოვება), შესაბამისი საგანმანათლებლო დაწესებულების მიერ წარმოდგენილი სიის საფუძველზე;
  • საქართველოში აკრედიტირებული დიპლომატიური წარმომადგენლობების, საკონსულო დაწესებულებების, საერთაშორისო ორგანიზაციების წარმომადგენლობების, აგრეთვე მათთან გათანაბრებული წარმომადგენლობების უცხოელი თანამშრომლები და მათი ოჯახის წევრები.
  • საქართველოს ოკუპირებულ ტერიტორიებზე მყოფი მოსახლეობა მოქალაქეობის მიუხედავად, ასევე ოკუპირებულ ტერიტორიაზე დიპლომატიური მისიებისა და საერთაშორისო დონორი ორგანიზაციების მიერ დაფინასებულ პროექტებში მომუშავე პირები და მათი ოჯახის წევრები.
  • პენიტენციურ დაწესებულებებში მყოფი პირები, იდენტიფიკაციის დამადასტურებელი ოფიციალური დოკუმენტის არქონის მიუხედავად.
  • №164 განკარგულებით განსაზღვრული უცხო ქვეყნის მოქალაქე, რომლის ოჯახის წევრს (შვილი, მშობელი,
    მეუღლე) წარმოადგენს საქართველოს მოქალაქე


მწვანე სტატუსი-პასპორტი

ხშირად დასმული კითხვები და საოპერაციო ინსტრუქცია

1 დეკემბრიდან მომხმარებელს მხოლოდ მწვანე სტატუსის ქონის შემთხვევაში შეეძლება ესტუმროს შემდეგ ობიექტებს: სასტუმროები და განთავსების სხვა ობიექტები / კვების ობიექტები (რესტორნების, კაფეების, ბარების ღია და დახურული სივრცეები-მათ შორის სავაჭრო ცენტრებში არსებული) / კინოთეატრები / თეატრები / საკონცერტო დარბაზები / ოპერა / გასართობი ობიექტები / სამორინეები და სათამაშიო დარბაზები / სპა ცენტრები და ფიტნეს დარბაზები / სამთო კურორტების საბაგიროები

შენიშვნა: მწვანე სტატუსის ქონა არ არის სავალდებულო 18 წლამდე პირთათვის

 

ვინ არის მწვანე სტატუსის მქონე პირი?

  • სრულად ვაქცინირებული (ან)
  • 72 საათიანი ვალიდურობის ნეგატიური პასუხის PSR ტესტის მქონე (ან)
  • 24 საათიანი ვალიდურობის ნეგატიური პასუხის ანტიგენ-სწრაფი ტესტის მქონე (ან)
  • კოვიდ გადატანილი

შენიშვნა: თუ პირს მწვანე სტატუსი მინიჭებული აქვს ჩატარებული PCR ან ანტიგენ-სწრაფი ტესტის საფუძველზე - მწვანე სტატუსი შეუწყდება ტესტის ვადის გასვლისთანავე

 

როდის მიენიჭება პირს მწვანე სტატუსი?

  • ვაქცინაციის მეორე დოზის ჩატარების შემდეგ
  • PCR და ანგიგენის ტესტის ნეგატიური პასუხის მიღების (ლაბორატორიის მიერ პასუხის სისტემაში ატვირთვის) შემდეგ
  • კოვიდის ოფიციალურად დადასტურებიდან 14 დღის შემდეგ
  •  

რა არის მწვანე პასპორტი?

  • „CovidPass Georgia" - აპლიკაციაში რეგისტრაციის გზით მიღებული QR კოდი (ან)
  • moh.gov.ge - საიტზე რეგისტრაციის გზით მიღებული QR კოდი (ან)
  • საქართველოში ვაქცინაციის ცენტრებში, კლინიკებსა და იუსტიციის სახლებში დაბეჭდილი დოკუმენტის QR კოდით (ან)
  • ევროკავშირის წევრი ქვეყნებისა და  "EU Digital COVID Certificate" სისტემაში ინტეგრირებული სხვა ქვეყნების ოფიციალური უწყების მიერ დაბეჭდილი დოკუმენტის QR კოდით ან ელექტრონულად მინიჭებული QR კოდით

 

შენიშვნა:

  • "EU Digital COVID Certificate" სისტემაში ამჟამად ინტეგრირებულია 51 ქვეყანა;
  • საქართველოს და უცხო ქვეყნის მოქალაქეებს, რომლებსაც ვაქცინაცია ან ტექტი ჩატარებული აქვთ საზღვარგარეთ (არა "EU Digital COVID Certificate" სისტემაში ინტეგრირებულ ქვეყნებში) მწვანე სტატუსის მიღება შეუძლიათ მხოლოდ საზღვრის კვეთის შემდეგ (მნიშვნელობა არ აქვს როდის გადმოკვეთა საზღვარი) „CovidPass Georgia" - აპლიკაციაში ან moh.gov.ge - საიტზე რეგისტრაციის გზით (ვალიდაციის კოდი შეეძლებათ მიიღონ ქართულ მობილურის ნომერზე ან ელექტრონულ ფოსტაზე

 

როგორ მოვახდინოთ მწვანე პასპორტის ვალიდაცია?

  • „Covidpass Georgia" აპლიკაციის QR წამკითხველით ან
  • moh.gov.ge QR წამკითხველით

წამკითხველის გამოყენებისვის საჭიროა მხოლოდ აპლიკაციის გადმოწერა დამატებითი მონაცემების შეყვანა საჭირო არ არის

 

რა ინფორმაციას იღებს ვალიდატორი QR კოდის წაკითხვისას?

  • საქართველოს მოქალაქის შემთხვევაში - პიროვნების ფოტოსურათს და სახელისა და გვარის ინიციალებს
  • უცხო ქვეყნის მოქალაქეების შემთხვევაში - პიროვნების სახელს და გვარს, დაბადების თარიღს და  დოკუმენტის N-ს
  • აკმაყოფილებს თუ არა პიროვნება მწვანე სტატუსს
  • რა ვადით აქვს პირს მინიჭებული მწვანე სტატუსი (ტესტის შემთხვევაში წარმოდგენილი იქნება ინფორმაცია როდის ეწურება პირს მწვანე სტატუსი)

შენიშვნა: covidpass.moh.gov.ge საიტი და „Covidpass Georgia" აპლიკაცია ამჟამად სატესტო რეჟიმში მუშაობს და გამართულ ფუნქციონირებას დაიწყებს 1 დეკემბრიდან

 

ვის შეუძლია საახალწლო ღონისძიებების მასპინძლობა?

  • ობიექტს, რომლის ყველა თანამშრომელი (100%) არის მწვანე სტატუსის მქონე

 

მონიტორინგი და სანქციები

  • მონიტორინგს განახორციელებს საქართველოს შრომის ინსპეცის სამსახური - შერჩევის პრინციპით
  • ობიექტზე არა მწვანე სტატუსის პირის დაშვებაზე პასუხისმგებლობა ეკისრება ობიექტს. წესის დარღვევის შემთხვევაში სანქცია შეადგენს იურიდიული პირისთვის 10,000 ლარს; ინდ. მეწარმისთვის - 2,000 ლარს. (განმეორების შემთხვევაში ობიექტის დალუქვა)

 

ვის დავუკავშირდეთ ტექნიკური ხარვეზის შემთხვევაში?

  • 144 - მთავრობის ერთიანი ცხელი ხაზი
  • 1505 - ჯანდაცვის სამინისტროს ცხელი ხაზი
  • 1522 -ვაქცინაცცის ცხელი ხაზი
  • 0800800909 - სსიპ საქართველოს ტურიზმის ეროვნული ადმინისტრაციის ცხელი ხაზი
  • ელექტრონული ფოსტა: appsupport@ita.gov.ge


ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციები

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები ტურ-ოპერატორებისა და გიდებისთვის - დანართი №15

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები სასტუმროებისთვის - დანართი №16

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები საზოგადოებრივი კვების ობიექტებისთვის - დანართი №17

ახალი კორონა ვირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი  რეკომენდაციები ტრენინგ ცენტრების, კონფერენციების, სემინარებისა და მსგავსი ღონისძიებების მიმართ - დანართი №28

 

 

UPDATE: 28.11.2021