KA
Armazi Fortress

არმაზის ციხე

რმაზის ციხე ძველი ქართული ხუროთმოძღვრების ერთ-ერთი მნიშვნელოვანი ძეგლია. ის მცხეთის, საქართველოს ძველი დედაქალაქის, კავკასიონის გადაღმა ქვეყნებთან დამაკავშირებელ გზას აკონტროლებდა. ერთ დროს დიდებული ციხე, დღეს ნანგრევებიღაა შემორჩენილი მდინარე არმაზისხევის ხეობაში, თუმცა აქიდან გადმოხედვაც კი საკმარისია, რომ არმაზის ციხის მთელი სიდიადე და ისტორიული მნიშვნელობა გაითავისო.
რეგიონი
მცხეთა-მთიანეთი
ქალაქი
მცხეთა

არმაზის ციხის მდებარეობა

XIII-XV საუკუნეების ციხესიმაგრე ძნელად მისადგომ კლდოვან ქედზეა აღმართული. მისი სიმაღლიდან მთების, ხეობების, მცხეთისა და მიმდებარე ტერიტორიების ულამაზესი ხედები იშლება. არმაზის ციხეს 30 ჰექტარი უკავია და თავისი სიძველითა და მასშტაბებით ერთ-ერთ ყველაზე მნიშვნელოვან ქართულ ციხედ მიიჩნევა. 

არმაზის ციხის სტრუქტურა

ნატეხი ქვით აგებული ციხე გალავნისა და კოშკისაგან შედგება. გალავნის სამხრეთ ნაწილში წიბოებმომრგვალებული სამკუთხა პრიზმის ფორმის კოშკი დგას. პერიმეტრის გასწვრივ კი ციხის გალავანს ტრაპეციის ფორმა აქვს. პირველი სართული ყრუა, შიგნით - სამეურნეო დანიშნულებისთვის გადატიხრული. მეორე სართულზე მოზრდილი სარკმლები დაგხვდება. რაც შეეხება მესამე სართულს, აქ კედლების ქვედა ნაწილიღაა შემორჩენილი. 

როგორ მოხვდე არმაზის ციხესთან?

არმაზის ციხემდე მისასვლელი გზა მცხეთის დასავლეთ გასასვლელთან იწყება. აქ აბრასაც შენიშნავთ წარწერით - „არმაზის ციხე“. რკინიგზასა და სამანქანო გზას რომ გადახვალ, ტყეში მიმავალ ბილიკზე აღმოჩნდები, რომლიც მდინარე არმაზისხევს მიუყვება და არმაზისციხემდე ადის.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა