KA
Great Mtskheta State Archaeological Museum-Reserve

დიდი მცხეთის არქეოლოგიური სახელმწიფო მუზეუმ-ნაკრძალი

თბილისიდან 21 კილომეტრში მსოფლიო და ეროვნული მნიშვნელობის არქეოლოგიურ ძეგლებს ნახავ, რომლებსაც დიდი მცხეთის არქეოლოგიური სახელმწიფო მუზეუმ-ნაკრძალი აერთიანებს.
რეგიონი
მცხეთა-მთიანეთი
რეგიონი
სტეფანწმინდა

რას ნახავ დიდი მცხეთის არქეოლოგიურ სახელმწიფო მუზეუმ-ნაკრძალში?

მცხეთისა და „დიდი მცხეთის“ ტერიტორია ჯერ კიდევ ადრინდელ და შუა ბრინჯაოს ხანაში იყო დასახლებული.

თუ ისტორია გაინტერესებს, აქ გაიგებ, როგორ ვითარდებოდა და იცვლებოდა ერთ-ერთი უძველესი დედაქალაქი, მეორე იერუსალიმად წოდებული მცხეთა, როგორი იყო ადგილობრივების ყოფა-ცხოვრება, ისტორია, კულტურა, რელიგიური და სხვა წეს-ჩვეულებები ძველი წელთაღრიცხვის III საუკუნიდან მოყოლებული, სხვადასხვა ეპოქაში.  

სახელმწიფო მუზეუმ-ნაკრძალი 30 ჰექტარს მოიცავს, სადაც მდებარეობს საქართველოს წინაქრისტიანული და ქრისტიანული ეპოქის უმნიშვნელოვანესი ისტორიული ძეგლები: ქართლის მეფეთა რეზიდენცია არმაზციხე (ბაგინეთი, ძვ.წ. III ს.); იბერიის მეფეთა – პიტიახშთა არმაზისხევის რეზიდენცია (სასახლის კომპლექსი, აბანო და მის ქვეშ მოწყობილი გათბობის რთული სისტემა, პიტიახშთა სამარხები (II-III სს.); სამთავროს არქეოლოგიური ველი (ძვ.წ. II ათასწ.-VIII ს.), ბაიათხევი და მავზოლეუმის ტიპის აკლდამა (I ს.).

ამ ტერიტორიაზე არქეოლოგების მიერ აღმოჩენილი ანტიკური ხანის უნიკალური ნივთები კი მუზეუმ-ნაკრძალის არქეოლოგიურ მუზეუმში ინახება. ესენია ოქროს ნივთები, მინის ნაკეთობები, ოქროსა და ვერცხლის მონეტები, ეპიგრაფიკული ნიმუშები, იარაღები, ყოველდღიური საგნები და სათამაშოებიც კი, რომლებიც ძვ. წ. IV ათასწლეულიდან X-XII საუკუნეებით თარიღდება.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა