KA
Urbnisi Cathedral

ურბნისის საკათედრო ტაძარი

ურბნისის საკათედრო ტაძარი, ამავე სახელწოდების სოფელში - ურბნისში, ქარელის მუნიციპალიტეტში მდებარეობს. ის სამნავიანი ბაზილიკაა და V-VI საუკუნეებით თარიღდება. ამას ადასტურებს ტაძრის ჩრდილოეთ ფასადზე გაკეთებული ასომთავრული წარწერა, რომელშიც ტაძრის ქტიტორებად ვინმე კონსტანტი და მამა მიქელი არიან მოხსენიებულნი. 
რეგიონი
შიდა ქართლი
ქალაქი
ქარელი

ურბნისის საკათედრო ტაძრის არქიტექტურა

ურბნისის სიონის კედლებზე პირვანდელი და შემდგომი შეკეთებების კვალი იკითხება, უფრო ძველი ნაწილები კი კარგად თლილი ქვიშაქვის კვადრებითაა ამოყვანილი. აღსადგენად აქ სხვადასხვა ქვაა გამოყენებული. 

ტაძარს სამი შესასვლელი აქვს. პირველი სამშენებლო ფენიდან შემორჩენილი ქვის ნატეხები მხოლოდ სამხრეთ შესასვლელზეა შემორჩენილი.

ურბნისის საკათედრო ტაძრის სამრეკლო 

ტაძრიდან დაახლოებით 15 მეტრის მოშორებით, დასავლეთ მხარეს, სამრეკლო დგას, რომელიც ნატეხი ქვითაა აშენებული. მის დასავლეთ ფასადზე არსებული წარწერით ირკვევა, რომ ის ვახტანგ VI-ის ბრძანებით 1706 წელს აუგიათ. 

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა