ბათუმის საერთაშორისო აეროპორტი

აეროპორტის მნიშვნელობა განსაკუთრებით გაიზარდა უკანასკნელი ათწლეულის განმავლობაში, მას შემდეგ რაც აჭარის რეგიონის პოპულარობა გასცდა რეგიონს და იფეთქა საერთაშორისო ტურისტულ რუკაზეც. აეროპორტის დატვირთვა მნიშვნელოვნადაა სეზონურობაზე დამოკიდებული და განსაკუთრებით მაღალია ზაფხულის თვეებში, როდესაც ბათუმი შავი ზღვის სანაპიროს ერთ-ერთ მთავარ საკურორტო მიმართულებად იქცევა. ამ პერიოდში აეროპორტი ყოველდღიურად ათობით ათასობით მგზავრს ემსახურება მსოფლიოს სხვადასხვა ქვეყნიდან.

თურქეთის საზღვრის სიახლოვე აეროპორტს დამატებით სტრატეგიულ მნიშვნელობას სძენს და ამყარებს მის სტრატეგიულ როლს, როგორც ორი ქვეყნის დამაკავშირებელი რგოლს, რომელიც ხელს უწყობს აძლიერებს როგორც ტურისტულ, ისე სავაჭრო-ეკონომიკურ ურთიერთობებს. აეროპორტიდან რეგულარული რეისები სრულდება სტამბოლის, ხარკოვის, თეირანის, კიევის და ერევნის მიმართულებით, რაც მას რეგიონულ სატრანსპორტო ჰაბად აქცევს.

2024 წლის იანვარ-აგვისტოში ბათუმის აეროპორტმა რეკორდული მაჩვენებელი დააფიქსირა და 637,511 მგზავრი გაატარა, რაც 44%-ით აღემატება წინა წლის მაჩვენებელს. პანდემიის შემდგომ პერიოდში ჩატარებული განახლების სამუშაოების შედეგად, აეროპორტის წლიური გამტარუნარიანობა 1.2 მილიონ მგზავრამდე გაიზარდა, რაც მნიშვნელოვნად აძლიერებს მის როლს რეგიონულ სატრანსპორტო ქსელში.

ბათუმის აეროპორტის ინფრასტრუქტურა და სერვისები

ბათუმის აეროპორტის ყველა ტერმინალი თანამედროვე სტანდარტების შესაბამისადაა მოწყობილი და გათვლილია, უზრუნველყოს მგზავრთა მაქსიმალური კომფორტი. საპასპორტო კონტროლის პუნქტები აღჭურვილია უახლესი ტექნოლოგიებით, რათა გაამარტივოს პროცესი და მინიმუმამდე შემცირდეს ლოდინის დრო. ამჟამად ოპერაციულია 14 სარეგისტრაციო დახლი, რაც ჯერჯერობით სრულიად საკმარისია ერთდროულად დამსხდარი რეისების მგზავრების მომსახურებისთვის.

აეროპორტის მთელ ტერიტორიაზე ხელმისაწვდომია მაღალსიჩქარიანი უფასო WiFi ქსელი და მრავალფუნქციური დამტენი სადგურები. სავალუტო გაცვლის პუნქტები 24/7 რეჟიმში მუშაობენ. ბათუმის აეროპორტში მოქმედებს რამდენიმე სამედიცინო პუნქტი, რომლებიც სრულად აღჭურვილია თანამედროვე აპარატურით და დაკომპლექტებულია მაღალკვალიფიციური სამედიცინო პერსონალით.

ადგილზე მოქმედებს Duty Free მაღაზიები, სადაც წარმოდგენილია მსოფლიოში ცნობილი პარფიუმერიის, კოსმეტიკის, ალკოჰოლური სასმელებისა და ტკბილეულის ბრენდების ფართო არჩევანი. გამგზავრების დარბაზში ცალკეა გამოყოფილი სუვენირების მაღაზია, სადაც მოგზაურებს შეუძლიათ შეიძინონ ქართული ხელნაკეთი ნივთები. აეროპორტში ასევე განთავსებულია რამდენიმე სწრაფი კვების ობიექტი, და ასევე შედარებით მაღალი კლასის რესტორანი. 

ინფრასტრუქტურის განახლების შემდეგ ამოქმედდა ავტომატიზებული ბარგის დამუშავების სისტემა, რომელიც აღჭურვილია თანამედროვე უსაფრთხოების სკანერებით. სისტემა აჩქარებს ბარგის დამუშავების პროცესს და უზრუნველყოფს მაღალ უსაფრთხოების სტანდარტებს.

აეროპორტის ტერიტორიაზე ასევე განთავსებულია ბიზნეს ლაუნჯი კომფორტული სამუშაო სივრცით, უფასო მაღალი სიჩქარის ინტერნეტით, საოფისე აპარატურითა და საკვებისა და სასმლის ფართო არჩევანით.

ბათუმის აეროპორტის მოკლე ისტორია

აეროპორტის თანამედროვე ისტორია 2007 წლის 26 მაისს დაიწყო, როდესაც საზეიმოდ გაიხსნა ახალი ტერმინალი. ამავე დროს აეროპორტის ოპერირების 20-წლიანი უფლება გადაეცა TAV GEORGIA-ს, რომელმაც დაიწყო გრძელვადიანი განვითარების პროგრამის დანერგვა.

განვითარების პირველ ეტაპზე კომპანიამ შეძლო მგზავრთა ნაკადის მნიშვნელოვანი ზრდა - თუ 2007 წელს აეროპორტით 40,000 მგზავრმა ისარგებლა, 2019 წლისთვის ამ რიცხვმა 600,000-ს გადააჭარბა. პარალელურად 5-დან 30-მდე გაიზარდა იმ ავიაკომპანიების რაოდენობაც, რომლებიც ბათუმის აეროპორტში ახორციელებდნენ რეისებს.

2021 წელს დასრულდა აეროპორტის ისტორიაში უმსხვილესი გაფართოების პროექტი, რომლის ფარგლებშიც $17 მილიონი ინვესტიცია ჩაიდო. პროექტი მოიცავდა აეროპორტის ფართობის გაორმაგებას 8000 კვადრატულ მეტრამდე, ბარგის დამუშავების ზონის მოდერნიზაციას ავტომატური კონვეერული სისტემით და ახალი ბარგის კარუსელის დამატებას.

2022 წელს, განახლების შემდეგ, აეროპორტში გაიხსნა დავით ტატიშვილის სამედიცინო ცენტრის პირველადი სასწრაფო დახმარების პუნქტი, რამაც მნიშვნელოვნად გააუმჯობესა სამედიცინო მომსახურების ხარისხი.

როგორ მივიდეთ ბათუმის აეროპორტამდე

ბათუმის აეროპორტი ქალაქის ცენტრიდან მხოლოდ 8 კილომეტრითაა დაშორებული, ამიტომ მისვლა შედარებით მარტივია. თუ საზოგადოებრივი ტრანსპორტით სარგებლობა გსურთ, დაგჭირდებათ მუნიციპალური ავტობუსი №10, რომელიც რეგულარულად მოძრაობს მარშრუტზე აეროპორტი-ქალაქის ცენტრი. მგზავრობის ღირებულება მხოლოდ 0.30 ლარს შეადგენს, ხოლო მგზავრობის ხანგრძლივობა დაახლოებით 20 წუთია, თუმცა უნდა გაითვალისწინოთ ავტობუსის მოძრაობის სიხშირე.

ტაქსით ბათუმის აეროპორტამდე ტრანსფერი უფრო ძვირი ჯდება, თუმცა დღესდღეობით მაინც ყველაზე პოპულარული ვარიანტია. გაითვალისწინეთ, რომ ქალაქში ტაქსის გაჩერებისას მძღოლმა შესაძლოა არაგონივრულად მაღალი თანხა დაასახელოს, ამიტომ რეკომენდებულია ტაქსის მობილური აპლიკაციით გამოიძახოთ. იგივე ეხება აეროპორტში მდგომ ტაქსებსაც - ისინი ხშირად 5-ჯერ და მეტჯერ ძვირიც კი ჯდება. აეროპორტიდან ბათუმის ცენტრამდე ჩასვლას ტაქსით მხოლოდ 10-15 წუთი სჭირდება, რაც განსაკუთრებით მოსახერხებელია გვიანი რეისების შემთხვევაში. მაგრამ გაფრთხილდით, თაღლითობის მსხვერპლი არ გახდეთ.

თუ საკუთარი ავტომობილით მგზავრობთ - აეროპორტს გააჩნია კომფორტული ავტოსადგომი, რომელიც 100 ავტომობილზეა გათვლილი. პარკირების მოქნილი სატარიფო სისტემა საშუალებას აძლევს მგზავრებს აირჩიონ მათთვის ოპტიმალური ვარიანტი: 3 საათამდე პარკირება 3 ლარი ღორს, 3-დან 6 საათამდე - 5 ლარი, 6-დან 12 საათამდე - 8 ლარი, ხოლო 12-დან 24 საათამდე - 15 ლარი. ავტოსადგომი დაცულია და აღჭურვილია ვიდეომეთვალყურეობის სისტემით.

პრაქტიკული რჩევები

იმისთვის, რომ თქვენმა მოგზაურობამ ექსცესების გარეშე ჩაიაროს, გაითვალისწინეთ რამდენიმე რჩევა.

იმისთვის, რომ ყველა პროცედურა დროულად გაიაროთ, რეკომენდებულია აეროპორტში მისვლა გამგზავრებამდე მინიმუმ 2 საათით ადრე მისვლა. ეს განსაკუთრებით მნიშვნელოვანია ზაფხულის სეზონზე, როდესაც მგზავრთა ნაკადი მნიშვნელოვნად იზრდება.

ბარგის წესები და შეზღუდვები დამოკიდებულია კონკრეტულ ავიაკომპანიაზე, თუმცა ზოგადად მოქმედებს სტანდარტული წესები. აეროპორტში ფუნქციონირებს პროფესიონალური ბარგის შეფუთვის სერვისი, რომლის ღირებულება სტანდარტული ზომის ბარგისთვის შეადგენს 25 ლარს. 

აეროპორტი უზრუნველყოფს სრულ მხარდაჭერას შშმ მგზავრებისთვის, მათ შორის სპეციალურ ეტლებს, ადაპტირებულ სანიტარულ კვანძებს და კვალიფიციურ პერსონალს. მაგრამ ასეთი მომსახურების საჭიროების შემთხვევაში საჭიროა წინასწარ დაუკავშირდეთ თქვენს ავიაკომპანიას (მათი ინსტრუქციების მიხედვით) ან აეროპორტის ადმინისტრაციას - 72 საათით ადრე მაინც.

თუ ბათუმის აეროპორტის სერვისებით პირველად სარგებლობთ, მიმართეთ საინფორმაციო დახლს, პერსონალი მოგაწვდით დეტალურ ინფორმაციას როგორც ფრენების, ისე ქალაქში გადაადგილების შესახებ. აეროპორტის ტერიტორიაზე ასევე ფუნქციონირებს ტურისტული საინფორმაციო ცენტრი, რომელიც მოგაწვდით სრულ ინფორმაციას აჭარის რეგიონის ღირსშესანიშნაობების, სასტუმროების და ტურისტული მარშრუტების შესახებ.