კახეთი

კახეთში როგორც სუბტროპიკული, ისე სტეპური კლიმატია. აქ ზამთარში საშუალო ტემპერატურა 0,5-+1.4°C-ია, ხოლო ზაფხულში - +23-30°C. კახეთში შეგხვდება ნახევრად უდაბნოები, ვაკეები, სუბალპური ტერიტორიები. ალაზნის ველზე ზომიერად სუბტროპიკული ჰავაა. აქ ზამთარში ტემპერატურა, საშუალოდ, 0°C-ია, ზაფხულში კი - 23-25°C. ანალოგიური ტემპერატურაა გარეკახეთში - ივრის ზეგანზე, გომბორისა და იალნოს ქედების წინა მთებზე.

აჭარა

რადიკალურად განსხვავებული ტემპერატურებია აჭარის ზღვისპირეთსა და მაღალმთიან აჭარაში. ზღვისპირეთში სუბტროპიკული ჰავაა. აქ თბილი ზამთარი და ცხელი ზაფხული იცის. დეკემბრიდან მარტის ჩათვლით ტემპერატურა, საშუალოდ, 4-6°C-ია, ზაფხულში კი 22-24°C-ს აჭარბებს. მაღალმთიან რაიონებში, სადაც სუბალპური ზონაა, ხანგრძლივი ზამთარია, ტემპერატურა 3-2°C-ს აღწევს, ზაფხულში კი ჰაერი 17-21°C-ამდე თბება.

აფხაზეთი

შავი ზღვის სანაპიროზე მდებარე აფხაზეთის დაბლობში ზღვის ნოტიო სუბტროპიკული ჰავაა და ის თბილი ზამთრითა და ცხელი ზაფხულით  გამოირჩევა. ზამთარში ხშირად ტემპერატურა 6°C აღემატება, ზაფხულში კი - 24.5°C-ს. რეგიონის მთიანი მხარისთვის ნოტიო ჰავა, ცივი ზამთარი და გრილი ზაფხულია დამახასიათებელი. ტემპერატურა ზამთარში -9, -10°C-ამდე ეცემა, ზაფხულში კი +10°C-ის ზევით ფიქსირდება.

გურია

გურია ბუნებრივი პირობების მიხედვით ორ - ბარისა და მთის ნაწილად იყოფა. დაბლობისთვის დამახასიათებელია ნოტიო სუბტროპიკული ჰავა, ზომიერად ცხელი ზაფხული და ზომიერად გრილი ზამთარი. ზამთარში საშუალო ტემპერატურა 4,8°C-ია, ზაფხულში კი - დაახლოებით 22,3°C. მთიან გურიაში მინიმალური ტემპერატურა -19°C-ია,  მაქსიმალური კი - 41°C.

ქვემო ქართლი

რაჭა-ლეჩხუმი

რაჭა-ლეჩხუმისთვის გრძელი ზამთარი და მოკლე ზაფხულია დამახასიათებელი. თუმცა  ზემო რაჭაში გაცილებით მკაცრი კლიმატია. ზამთარში ტემპერატურა ზოგჯერ -12°C-იდან -18°C-ამდე მერყეობს. შესაბამისად, ზაფხული გრილი და მოკლეა, ტემპერატურა, საშუალოდ, 20.4°C-ია. ქვემო რაჭასა და ლეჩხუმში შედარებით ნოტიო ჰავაა. აქ ზამთარში ტემპერატურა -0,3°C-ია, აგვისტოში კი - მინიმუმ, 22°C.

სამაჩაბლო

სამაჩაბლოში (ე.წ. სამხრეთ ოსეთი) ზომიერად ნოტიო ჰავაა - ზომიერად ცივი ზამთრითა და ხანგრძლივი, თბილი ზაფხულით. ჰაერის საშუალო წლიური ტემპერატურა 9,6°C-ია. მაგ., იანვარში შეიძლება ტემპერატურა -1,6°C-ამდე დაეცეს, ივლისიდან კი ზაფხულის განმავლობაში 20,3°-30°C-ამდე ავიდეს.

სამეგრელო

სამეგრელოს კლიმატზე გავლენას ახდენს როგორც ზღვის სიახლოვე, ისე მთიანი მხარე. ვაკე ნაწილში ტემპერატურა ზამთარში, საშუალოდ, 6-7°C-ია, ზაფხულში კი 22°C-ს აღემატება. რაც შეეხება მთიან ზონებს, აქ ზამთარში 0°C-ია.

სვანეთი

ზემო და ქვემო სვანეთში ნოტიო ჰავაა, ზამთარი გრძელი და ცივია, ხოლო ზაფხული - ხანმოკლე, თბილი და ზოგჯერ ცხელიც. საშუალო ტემპერატურა ზამთარში შეიძლება -6,4°C-იც იყოს, ზაფხულში კი მაქსიმალური ტემპერატურა +35°C-ზე ზევითაც ფიქსირდება.

თუშეთი

თუშეთი საქართველოს ერთ-ერთი ყველაზე ლამაზი, მაღალმთიანი რეგიონია, რომლის ტერიტორია ზღვის დონიდან დაახლოებით 2000 მ-იდან  4500 მ-ზეა განფენილი. აქ ზამთარი 5-6 თვე გრძელდება. ტემპერატურა, საშუალოდ, 3-8°C-ია, ივლის-აგვისტოში ჰაერი 15-30°C-ამდე თბება.

სამცხე-ჯავახეთი

იმერეთი

იმერეთში ძირითადად ზღვის ნოტიო სუბტროპიკული კლიმატია. აქ ზამთარი ცივია, ზაფხული კი - შედარებით მშრალი და ცხელი. იანვრის  ტემპერატურა +2-5°C-ია, ხოლო ზაფხულში მაქსიმალური ტემპერატურა +38-40°C-ს აღწევს.

მცხეთა-მთიანეთი

მრავალფეროვანი გეოგრაფიული მდებარეობით გამოირჩევა მცხეთა-მთიანეთი, რომელშიც შედის მთიანი ნაწილი - ხევი, ერწო-თიანეთი, ფშავი, ხევსურეთი, მთიულეთი, გუდამაყარი და ნაწილობრივ ქსნისხევი. შესაბამისად, ეს მხარეები განსხვავებული კლიმატური პირობებით გამოირჩევა. 

მცხეთა-მთიანეთის მხარის დაბლობ ნაწილში ჰავა ზომიერად ნოტიოა. იცის ზომიერად ცივი ზამთარი და ცხელი, ხანგრძლივი ზაფხული. იანვარში ტემპერატურა 0℃-ზე დაბალიც კია, ზაფხულში კი +22°C-ზე ზევითაა. მთაში ზამთარში -12°C-იდან -18°C-იც ფიქსირდება. აქ გაზაფხული გვიან დგება, შემოდგომა კი - ადრე.

შიდა ქართლი

შიდა ქართლში ჰავა ზომიერად თბილი და ტენიანია, ზოგან - მშრალი. ზაფხულში მაქსიმალური ტემპერატურა 22°C-იდან 40°C-ამდე აღწევს. ზამთარში კი - 1°C-ამდე ეცემა. ნალექების რაოდენობა წელიწადში, საშუალოდ, 330-760 მმ-ია.