ჯვრის უღელტეხილის ტრავერტინის ბუნების ძეგლი
საქართველოში ტრავერტინი რამდენიმე ადგილზე გვხვდება და მათ შორის ერთ-ერთი ყველაზე კარგად გამოხატული ყაზბეგის მუნიციპალიტეტში, მდინარე ბიდარის ხეობაში, კობი-გუდაურის საავტომობილო გზის მიმდებარედ, ზღვის დონიდან 2197 მეტრზე მდებარეობს.
აქ გამჭვირვალე წყალი თხელ ფენად ეშვება, ულამაზეს ტრავერტინებს წარმოქმნის და უამრავ ტურისტს იზიდავს.
ჯვრის უღელტეხილის ტრავერტინები ვრცელი მინდვრების სახითაა წარმოდგენილი, რომლებიც ზოგან თეთრია, ზოგან კი რკინის მარილების მინარევებით ნარინჯისფრად არის შეღებილი.
ცნობისთვის, ტრავერტინს სამშენებლო და დეკორატიულ მასალადაც იყენებენ. მაგალითად, რომის კოლოსეუმი გარედან ტრავერტინით არის შემოსილი.
ჯვრის უღელტეხილის ტრავერტინებთან ყველაზე ახლომდებარე მსხვილი დასახლებული პუნქტი გუდაურია - გუდაურიდან ტრავერტინებამდე მანძილი 10 კმ-ია.
Cookie პოლიტიკა