აკიბულას ჩანჩქერი

ეს ადგილი ბევრს ჯერ კიდევ არ აღმოუჩენია. აქაურობის შესახებ ჯერჯერობით იმ ადამიანებმა იციან, ვისაც გურია და ბუნებაში ფეხით მოგზაურობა უყვართ. 

ხეებში ჩაფლული ჩანჩქერი საოცარი სანახავია როგორც გაზაფხულის სიმწვანეში, ისე შემოდგომის წითელ-ყვითელ ფერებში, თუმცა აკიბულას ჩანჩქერზე საფეხმავლო ტურების მოსაწყობად საუკეთესო სეზონი მაინც ზაფხულია - ამ დროს გზასაც უფრო მარტივად გაივლი და ჩანჩქერის ხეობაში საოცარი სიგრილე და სიმშვიდეც დაგხვდება.