დმანისი - პირველი ევრაზიელების სამშობლო

დმანისის არქეოლოგიური უბნები არაერთ ისტორიულ შრეს მოიცავს. აქ ნაპოვნი ყველაზე ძველი ნივთები ქვის ხანის პერიოდის იარაღებია, რომლებიც 1,8 მილიონი წლისაა. არქეოლოგები  აღნიშნავენ, რომ ამ პერიოდის ასეთი მრავალფეროვანი კოლექცია მსოფლიოში არსად აღმოჩენილა. 

სანამ არქეოლოგები ამ სიღრმეებამდე ჩავიდოდნენ, სამარხებში მარტორქის კბილი იპოვეს, რამაც დმანისის ამ ნასახლარის ასაკი 1 მილიონი წლით განსაზღვრა.

XXI საუკუნეში დმანისის აღმოჩენები კიდევ უფრო გაფართოვდა - არქეოლოგებმა, სულ, 5 თავის ქალას მიაკვლიეს. მეხუთე თავის ქალას ფრაგმენტის უახლესი მეთოდოლოგიით შემოწმება 8 წელი გრძელდებოდა. ამ ხნის განმავლობაში კი მეცნიერებს შესაძლებლობა მიეცათ, აქამდე უცნობი უძველესი ადამიანის ანატომია შეესწავლათ. 

დმანისის არქეოლოგიური მასალები შეგიძლია, საქართველოს სახელმწიფო მუზეუმში დაათვალიერო, შემდეგ კი დმანისს ეწვიო და ისტორიულ შრეებში მოგზაურობით დაუვიწყარი შთაბეჭდილებები მიიღო.