თბილისის მურალ ფესტივალი

რას მოიცავს თბილისის მურალ ფესტივალი?

ფესტივალის ფარგლებში თბილისისა და ქუთაისის სხვადასხვა უბანი მოიხატა. თემატიკა განსხვავებულია - აბსტრაქტული, ეკოლოგიური და სოციალური. 

თბილისის მურალ ფესტივალში სხვადასხვა დროს მონაწილეობდნენ ქუჩის ხელოვნების ისეთი აღიარებული არტისტები, როგორებიც არიან: გერმანიიდან Innerfields, ანდრეას ხრზანოვსკი, Aphe Noah, El Bocho, Matthias Mross, Artez, Kera (კრისტიან ჰინცი); პარიზული ჯგუფი MonkeyBird, ჰოლანდიელი მხატვარი JDL, სამხრეთ აფრიკელი არტისტი Faith47, ქართველი არტისტებიდან კი - Dante, გიორგი მასხარაშვილი, Musya, ლუკა ჯაფარიძე, v45, ირაკლი ქადეიშვილი, ზვიად ესართია და სხვა.

თბილისში უკვე ბევრი კედელია მოხატული, მათ შორის, ამ მისამართებზე:

• Aphe Noah, გერმანია - ფანასკერტელ-ციციშვილის ქ. #1;
• Dante, საქართველო - რამიშვილის ქ. #27ა, ვაკე;
• ანდრეას ხრზანოვსკი, გერმანია - გრიბოედოვის ქ. #20, მთაწმინდა;
• გიორგი მასხარაშვილი, საქართველო - აღმაშენებლის გამზირი #139;
• Monkeybird, საფრანგეთი - მიხეილ წინამძღვრიშვილის ქ. #97;
• Faith XLVII, სამხრეთი აფრიკა - ათონელის ქ. #4.

„მურალ ფესტივალი“ თბილისისა და ბერლინის მერიების მხარდაჭერით დაარსდა, რათა პოსტსაბჭოთა არქიტექტურა თანამედროვე ხელოვნებამ გააკეთილშობილოს.

ფესტივალის ვებგვერდის მისამართია: https://tbilisimuralfest.com/, სადაც არტისტებისა და მოხატული ლოკაციების შესახებ ამომწურავი ინფორმაციაა განთავსებული.