KA
Telavi Museum of History and Ethnography

თელავის ისტორიულ-ეთნოგრაფიული მუზეუმი

მიუხედავად იმისა, რომ ამ ადგილს 1927 წლიდან თელავის მუზეუმი ეწოდება, საქართველოში დღემდე მას ყველა ერეკლეს მუზეუმად იცნობს. ქართველ ხალხს მეფე ერეკლე II ძალიან უყვარდა, იმდენად, რომ ამ დამოკიდებულებამ საუკუნეებსაც გაუძლო… 1720 წელს სწორედ აქ დაიბადა ქართველთა საყვარელი მეფე და 1798 წელს აქვე გარდაიცვალა.
რეგიონი
კახეთი
ქალაქი
თელავი

რას ნახავ თელავის ისტორიულ-ეთნოგრაფიულ მუზეუმში?

სამუზეუმო კომპლექსში შედის: მეფეთა სასახლე (XVII-XVIII სს) - ეს ჩვენს დრომდე სრულყოფილი სახით მოღწეული ერთადერთი სამეფო სასახლეა საქართველოში; მეფე არჩილ მეორის კოშკი, საიდანაც ულამაზესი ხედი იშლება ქალაქზე; ერეკლე II-ის მიერ აშენებული ეკლესია, რომელიც საყვარელ ვაჟს ლევანს უძღვნა; კარის ეკლესია (IX-X სს), მეფის აბანო, მიწისქვეშა გვირაბი და გალავანი. აგრეთვე, ქეთევან იაშვილის სამხატვრო გალერეა (XIX ს).

მუზეუმში 67 ათასზე მეტი ექსპონატია დაცული, მათ შორისაა ეთნოგრაფიული და არქეოლოგიური მასალები, ნუმიზმატიკური კოლექციები, ფერწერის შედევრები - ელ. ახვლედიანი, ლ. გუდიაშვილი, ი. აივაზოვსკი, ა. კრამსკოი და სხვა.

თუმცა მუზეუმის სიმდიდრე სამეფო ოჯახის ნივთებია - მეფის სასახლეში, რომელიც თავისი სისადავით გაგაკვირვებს, გამოფენილია მეფე ერეკლეს ვერცხლის ხანჯალი, საბრძოლო იარაღი, სამოსელი, ხალიჩები და მეფე ერეკლეს სტამბაში დაბეჭდილი წიგნები.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა