KA
Ienashi Church of the Prophet Jonah

იენაშის იონა წინასწარმეტყველის ეკლესია

სვანეთი საქართველოს ყველაზე მაღალმთიანი ისტორიულ-გეოგრაფიული მხარეა და ის მკვეთრად გამოხატული ინდივიდუალიზმით გამოირჩევა. უნიკალური ბუნების გარდა, სვანეთი მდიდარია მატერიალური და სულიერი კულტურის ძეგლებითაც. მათ შორის ერთ-ერთი გამორჩეული კულტურის უძრავი ძეგლია XII-XIV საუკუნეების სოფელ იენაშის იონა წინასწარმეტყველის ეკლესია, რომელიც მესტიიდან 9 კმ-ში, ზღვის დონიდან კი 1360 მეტრ სიმაღლეზე დგას.
რეგიონი
სამეგრელო-ზემო სვანეთი
ქალაქი
მესტია

იენაშის იონა წინასწარმეტყველის ეკლესიის სტრუქტურა

თლილი ქვით ნაშენები ბაზილიკური სტილის ეკლესია მთლიანად მოხატული ყოფილა, თუმცა დღეისათვის ფრესკები ძნელი გასარჩევია. ინტერიერის მოხატულობა XIV საუკუნეს მიეკუთვნება. აღსანიშნავია, რომ სვანეთის მრავალრიცხოვან ეკლესიათაგან მხოლოდ აქ გვხვდება წინასწარმეტყველ იონას ცხოვრების ამსახველი ეპიზოდი - მისი ხსნა ვეშაპისაგან. 

იენაშის იონა წინასწარმეტყველის ეკლესიის ფრესკები

ეკლესიის საგანძურიდან აღსანიშნავია XI საუკუნის მაცხოვრის დიდი ზომის ხატი, რომელზედაც ქრისტე გამოსახულია წელზევით, მაკურთხებელი მარჯვენითა და სახარებით ხელში. ხატი მოჭედილია ოქროთი და ფერილი ვერცხლით, მხოლოდ სახეა ფერწერით შესრულებული. სამწუხაროდ, ხატმა ჩვენს დრომდე პირვანდელი სახით ვერ მოაღწია - ეკლესია რამდენჯერმე გაუძარცვავთ და ძვირფასი ხატები მოუპარავთ, თუმცა დროთა განმავლობაში ყველა ნივთი ისევ  ეკლესიას დაუბრუნდა. მაგალითად, 1978 წელს გატაცებული წმინდა გიორგის ხატი, საწინამძღვრო ჯვრები, იტალიური ჯვარი და XIV საუკუნის წმინდა თევდორეს ხატი, რომელიც იენაშში ლონდონსა და ჟენევაში ყოფნის შემდეგ დაბრუნდა.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა