.webp)
ლანჩვალის ეკლესია
ლანჩვალის ეკლესიის როლი ქართულ ხუროთმოძღვრებაში
ლანჩვალის ეკლესია მთავარანგელოზის სახელობისაა და მიუხედავად მცირე ზომისა, სვანურ კულტურაში მისი როლი განუზომლად დიდია.
ეკლესია ქვის გალავნითაა შემოსაზღვრული, მის ეზოში კი საფლავებია გაჭრილი. ის დარბაზული სტილის, სწორკუთხა დაგეგმარების ნაგებობაა და, ფაქტობრივად, პირვანდელი სახითაა შემორჩენილი. ეკლესიას გასულ წლებში რესტავრაცია ჩაუტარდა.
ლანჩვალის ეკლესიის სტრუქტურა
ლანჩვალის ეკლესია აგებულია ადგილობრივი ქვითა და კირდუღაბით, აღმოსავლეთ და სამხრეთ ფასადებზე კი გაჭრილია თითო სარკმელი. ფასადის დეკორი ძალიან სადაა, მხოლოდ აღმოსავლეთ ფასადზე შეხვდებით თითო ტოლმკლავა ჯვრის რელიეფურ გამოსახულებას.
ლანჩვალის ეკლესია ერთ დროს მუზეუმის ფუნქციასაც ასრულებდა. აქ ჭედური ხელოვნების მრავალი ღირსშესანიშნავი ნიმუში ინახებოდა, მათ შორის - აღსაყდრებული მაცხოვრის ხატი, რომელიც XI საუკუნითაა დათარიღებული და ამჟამად მესტიის მუზეუმშია.
Cookie პოლიტიკა