მადათაფის ტბის აღკვეთილი

მადათაფის ტბის გამორჩეული ბუნება

მადათაფის ტბის აღკვეთილი, რომლის საერთო ფართობიც 320 ჰექტარია, გამორჩეულია ველური ბუნების მრავალფეროვნებით. ჯავახეთის დაცული ტერიტორიის ამ მონაკვეთს გაზაფხულისა და შემოდგომის მიგრაციისას, დასასვენებლად და საკვების მოსაპოვებლად  20,000-ზე მეტი ფრინველი იყენებს.

ტბის ჩრდილო-დასავლეთ და აღმოსავლეთ ნაწილებში თავს იყრიან გადამფრენი და ადგილობრივი ფრინველები. მათ შორის: ვარდისფერი ვარხვი, ქოჩორა ვარხვი, წითელთავა ყვინთია, რუხი წერო, წყალმცურავი ფრინველები. აღნიშნულ  ტერიტორიაზე ბუდობს: 1-2 წყვილი რუხი წერო, 30-50 წყვილი წითელთავა ყვინთია და 1000-1200 წყვილი სხვადასხვა სახეობის წყალმცურავი ფრინველი. 

როგორ შეძლებ მადათაფის ტბაზე ფრინველებზე დაკვირვებას?

ფრინველებზე სათვალთვალო კოშკი მადათაფის კონცხის შემაღლებაზეა მოწყობილი. ტბის ირგვლივ მთიანი ლანდშაფტია, თავად ტბა კი ზღვის დონიდან 2,100 მეტრ სიმაღლეზე მდებარეობს.

მადათაფა საერთაშორისო მნიშვნელობის ჭარბტენიანი ტერიტორიაა და მას რამსარის კონვენცია იცავს.