KA
Matskhvarishi Archangel Church

მაცხვარიშის მთავარანგელოზის ეკლესია

კავკასიონის კალთებზე შეფენილი ზემო სვანეთი მხოლოდ ამაყი კოშკებით არ არის ცნობილი, ეს ადგილი ტაძრების სიმრავლითაც გამოირჩევა. ერთ-ერთი კი მესტიის მუნიციპალიტეტის ლატალის თემში, სოფელ მაცხვარიშში, ბორცვზე მდგარი დარბაზული ტიპის მაცხვარიშის მთავარანგელოზის ეკლესიაა, რომელიც X–XI საუკუნეებში აუშენებიათ.
რეგიონი
სამეგრელო-ზემო სვანეთი
ქალაქი
მესტია

მაცხვარიშის მთავარანგელოზის ეკლესიის მხატვრობა

ფრესკული წარწერების კვლევამ აჩვენა, რომ ტაძარი ქართველთა მეფე დემეტრე I-ის დროს მხატვარ მიქაელ მაღლაკელს მოუხატავს. ეკლესიის ერთადერთი მოხატულობა კი მნიშვნელოვან ისტორიულ ფაქტზე, მეფე დავით აღმაშენებლის ძის, დემეტრეს მეფედ კურთხევის ცერემონიაზე მოგვითხრობს.   

მაცხვარიშის მთავარანგელოზის ტაძარში XII-XIII საუკუნეების რამდენიმე ფერწერული ხატია, მათ შორის, მაცხოვრის, ღვთისმშობლისა და ჯვარცმის დიდი ზომის ხატები. აქვეა წმინდა იოანე ნათლისმცემლის ხატი ასომთავრული წარწერით, ტიხრული მინანქრებით შესრულებული მედალიონებით შემკული საწინამძღვრო ჯვარი და სხვა სიწმინდეები.

ბუნება, რომელსაც მაცხვარიშის მთავარანგელოზის ეკლესიის სტუმრობისას შეხვდები

ტაძრის ირგვლივ ტყით შემოსილი მთები და ფერდობებია, სადაც მწვანე ბალახზე დასვენებასაც შეძლებ და ულამაზესი ბუნებით მიღებული შთაბეჭდილებაც არასოდეს დაგავიწყდება.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა