KA
Tsitsinatela Amusement Park

„ციცინათელა"

თუ საქართველოს შავიზღვისპირეთში ბავშვებთან ერთად ისვენებ, გირჩევ, აქ ერთხელ მაინც მოხვიდე - „ციცინათელა“ ის დიდი დღესასწაულია, სადაც პატარებს ახალი შთაბეჭდილებები ელით, ხოლო უფროსები ბედნიერ ბავშვობაში დაბრუნდებიან.
რეგიონი
გურია
კურორტი
შეკვეთილი

რას გთავაზობს „ციცინათელა“?

ატრაქციონების პარკი „ციცინათელა“ გურიაში, კურორტ შეკვეთილში მდებარეობს. 

უნიკალურ საკურორტო ზოლში 14 ჰექტარზე გაშლილი გასართობი პარკი გზიდანვე მიიპყრობს შენს ყურადღებას. და თუ ამ ადგილს 17:00 საათზე მიუახლოვდები, ერთბაშად აინთება, ახმაურდება და ათასფრად აციმციმდება აქაურობა. ალბათ „ციცინათელაც“ ამიტომ დაარქვეს ქვეყანაში ყველაზე დიდ ატრაქციონს.

„ციცინათელა“ 2006 წელს გაიხსნა. აქ სხვადასხვა სირთულის 36 ევროპული ატრაქციონი მუშაობს - საბავშვო, საოჯახო და ექსტრემალური. პარკის ტერიტორიაზე, თანამედროვე და კეთილმოწყობილ შენობაში გახსნილია ბოულინგის  დარბაზი, მოწყობილია კარტინგების მოედანი, „სიცილის ოთახი“, საბავშვო ლაბირინთი „ბედნიერი ქალაქი“, დგას სათამაშო ავტომატებიც. 

განსაკუთრებულ სადღესასწაულო განწყობას ქმნის მუსიკალური შადრევანი.

„ციცინათელა“ 17:00 საათიდან ღამის 01:00 საათამდე მუშაობს. ამ ხნის განმავლობაში მოგემსახურება ორი ღია პიცერია, ყავის სახლი და სავაჭრო ობიექტები.

ატრაქციონებზე დაცულია უსაფრთხოების ზომები, მუდმივად მეთვალყურეობენ პროფესიონალი ინსტრუქტორები.  

პარკის წინ 2500 ავტომობილზე გათვლილი უფასო ავტოსადგომია მოწყობილი.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა