„სინედოკ თბილისი" - დოკუმენტური ფილმების ფესტივალი

რას ნახავ „სინედოკ თბილისზე“?

„სინედოკზე“ საშუალება გექნება, სტილითა და რეჟისორული კონცეფციით გამორჩეული, საინტერესო ფილმები ნახო - როგორც უცხოური, ისე ქართული; ასევე შეძლებ, პირადად შეხვდე ფილმების შემქმნელებსა თუ სიუჟეტის გმირებს და ფილმში მოთხრობილი ამბის შესახებ მეტი გაიგო; სურვილის შემთხვევაში, დოკუმენტური კინოს პროფესიონალების მასტერკლასებს დაესწრები, რომლებიც მსოფლიოს სხვადასხვა ქვეყნიდან ჩამოდიან.

კინოფესტივალის პროგრამა მაყურებელს დიდი არჩევანის საშუალებას აძლევს. „სინედოკს” რამდენიმე სექცია აქვს:

Guest Country ყოველ წელს ერთი კონკრეტული ქვეყნის დოკუმენტურ კულტურასა და კინოინდუსტრიას წარმოგვიდგენს;

CinéDOC-Young ბავშვებისა და ახალგაზრდებისთვისაა;

Focus Caucasus ადგილობრივი და რეგიონის ქვეყნების ნამუშევრებს აჩვენებს; 

CivilDOC სექციის ფილმები კი ადამიანის უფლებების დაცვასა და სოციალურ პრობლემებს ასახავს.