სიონის სამაროვანი

1962 წელს არქეოლოგიურმა ექსპედიციამ ბაზილიკის მიმდებარე ტერიტორიაზე ასზე მეტი სამარხი შეისწავლა, მათ შორის - მიწისქვეშა კამაროვანი აკლდამა. 

ამ ადგილას ახლა სიონის ტბაა. ისტორიული ძეგლები წყალსაცავს რომ არ დაეტბორა, ბაზილიკა და აკლდამა დაშალეს და თბილისის ეთნოგრაფიულ მუზეუმში გადაიტანეს. 

ბაზილიკის გარშემო აღმოჩენილი დიდგვაროვანთა და შედარებით ღარიბული სამარხები IV-V საუკუნეებს განეკუთვნება. 

დიდგვაროვანთა ქვის სამარხებში ნაპოვნია თიხისა და მინის ჭურჭელი, მინის, ბრინჯაოს, რკინისა და ვერცხლის სამაჯურები, ბეჭდები, საყურეები, მინის მძივები და სხვა. 

სამარხებს შორის განსაკუთრებულ ყურადღებას იქცევს დიდი ფილებით ნაგები სარკოფაგი (V-VI სს), რომელიც ორი განყოფილებისგან შედგება. 

სამარხის ქვები საქართველოს სახელმწიფო მუზეუმის არმაზის ბაზაში ინახება. სამაროვნის არქეოლოგიური მასალა კი არქეოლოგიის კვლევითი ცენტრის დუშეთის არქეოლოგიურ ბაზაშია დაცული.