KA
Solkota Cave – Natural Monument in Imereti

სოლკოტას მღვიმე - ბუნების ძეგლი

საქართველოს 1500 მღვიმიდან ერთ-ერთს - სოლკოტას მღვიმეს - იმერეთში, წყალტუბოს მუნიციპალიტეტის სოფელ ყუმისთავის მიდამოებში იპოვი. 125 მილიონი წლის კირქვულ ქანებში გამომუშავებული ბუნების ეს ძეგლი ზღვის დონიდან 379 მეტრზე, მცენარეებით დაფარულ კარსტულ ძაბრში მდებარეობს. ეს არის ადგილი, სადაც ევროპაში იშვიათი ზომის სტალაქტიტებსა და სტალაგმიტებია. პირველის გარშემოწერილობა 5 მეტრს აღწევს, ხოლო მეორის - 8,5 მეტრს, სიმაღლე კი 8 მეტრია. 
რეგიონი
იმერეთი
ქალაქი
წყალტუბო

დიდი ზომისა და რაოდენობის ნაღვენთების გარდა, სოლკოტას მღვიმე პალეონტოლოგიური მიმართულებითაც საინტერესოა. აქ აღმოაჩინეს ფრინველისა და მღვიმური დათვის ძვლები, რომელიც ევრაზიის კონტინენტზე 300 000 წლის წინათ ცხოვრობდა და დაახლოებით 20 000 წლის წინათ გადაშენდა. 

ახლანდელი საინტერესო ბინადრებიდან მღვიმეში წითელ წიგნში შეტანილ მცირე ცხვირნალა ღამურებსა და ცრუ მორიელებს შეხვდები. 

სოლკოტას მღვიმის მაქსიმალური სიგრძე 220 მეტრია, მაქსიმალური სიმაღლე - 28 მეტრი, მაქსიმალური სიგანე კი - 30 მეტრი.

გაითვალისწინე, რომ მღვიმეში მოგზაურობისთვის აუცილებელია შესაბამისი ნებართვის აღება იმერეთის მღვიმეების დაცული ტერიტორიების ადმინისტრაციისგან.

მღვიმეში არ არის ტურისტული ინფრასტრუქტურა.

 

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა