ქსნის ხეობის ისტორიულ-არქიტექტურული მუზეუმ-ნაკრძალი

ქსნის ხეობის ისტორიულ-არქიტექტურული მუზეუმ-ნაკრძალის ისტორია

ქსნის ერისთავთა ყოფილი სასახლე XVII ს-ის დასაწყისის ხუროთმოძღვრული ანსამბლია, რომელიც XIX ს-ში ამპირის სტილით გადააკეთეს. საბჭოთა მმართველობის დროს სასახლეში სკოლა და სპორტული დარბაზი ფუნქციონირებდა. 

ქსნის ხეობის ისტორიულ-არქიტექტურულ მუზეუმ-ნაკრძალში დაცული არტეფაქტები

სასახლეში განთავსებულ მუზეუმში დაცულია ქსნის ხეობაში აღმოჩენილი წინარე და ადრე ანტიკური ხანის არტეფაქტები: საბრძოლო იარაღი, სამკაულები, ნუმიზმატიკური კოლექცია, XVIII-XIX სს-ის მოჭიქული კერამიკა და  XVIII-XIX სს-ის ეთნოგრაფიული მასალა.

2006 წელს მუზეუმ-ნაკრძალს ეროვნული მნიშვნელობის კულტურის უძრავი ძეგლის სტატუსი მიენიჭა.

2008 წლის მოვლენების შემდეგ კი მუზეუმ-ნაკრძალი რუსეთის მიერ ოკუპირებულ ტერიტორიაზეა.