ანბანის კოშკი

„ანბანის კოშკი“ ბათუმის ღირსშესანიშნავ ადგილთა შორის ერთ-ერთი საუკეთესოა. კოშკის წვერში განთავსებულია ტურისტული საინფორმაციო ცენტრი, მბრუნავი პანორამული რესტორანი, ღია ტერასა და ობსერვატორია. პანორამული რესტორანი 360 გრადუსით ბრუნავს და მის სტუმრებს საშუალება აქვთ ანბანის კოშკიდან გადახედონ ქალაქის, მთებისა და შავი ზღვის ულამაზეს ხედებს.

ბათუმის „ანბანის კოშკი“ 2011 წელს აშენდა. მისი პროექტი ესპანელ არქიტექტორს ალბერტო დომინგო კაბოს ეკუთვნის. ანბანის 33 ასოთი გარშემორტყმული თანამედროვე ნაგებობა დნმ-ის ჯაჭვის მსგავსი არქიტექტურაა და მასში გადაადგილება მხოლოდ შემინული ლიფტებით არის შესაძლებელი.