ბეშთაშენის ჩანჩქერი

ამ ლამაზ ჩანჩქერს მდინარე ჩილჩილი წარმოქმნის. ბეშთაშენის ჩანჩქერის სიმაღლე სულ რამდენიმე ერთეული მეტრია, თუმცა მთის მდინარის კამკამა წყალი და ლოდების საფეხურებზე გადმოტყორცნილი წყლის ხმაური ირგვლივ ჯადოსნურ ატმოსფეროს ქმნის.

ჩანჩქერი ყველაზე წყალუხვი გაზაფხულზეა. ის წელიწადის ამ დროს განსაკუთრებით ლამაზია. აგვისტოდან კი წყლის დონე იკლებს. 

თავად ბეშთაშენი უძველესი სოფელია. სოფელში ციკლოპურ ნაქალაქარსაც ნახავ, რომელსაც 30 ჰა ფართობი უკავია. აქ შუა საუკუნეების ქართული ხუროთმოძღვრების ნიმუშებსაც შეხვდები: წმინდა ნიკოლოზისა და წმინდა გიორგის ეკლესიებსა და წმინდა იოანე ნათლისმცემლის სამლოცველოს.