კახა ბაკურაძის მოძრაობის თეატრი

რას გთავაზობს კახა ბაკურაძის მოძრაობის თეატრი?

Ასევე, თეატრის ფოიეშივე კაფეს შეხვდები, სადაც კედლის თაროებზე წიგნები და ალბომები აწყვია, შემდეგ კი იწყება სპექტაკლი, სადაც „უსმენ“ აკრობატულ ილეთებს, ბალეტს, ცეკვებს სამ განზომილებაში — კედლებზე, ჰაერში, სცენაზე და ცოცხალ საავტორო მუსიკას. 

თეატრის ისტორია 2001 წლიდან იწყება, როცა რეჟისორმა კახა ბაკურაძემ 7 მსახიობისგან დასი შეკრიბა და პირდაპირ ქუჩებში დაიწყო წარმოდგენების გამართვა. 

2012 წლიდან კი თეატრს მუდმივი მისამართიც გაუჩნდა - შენობა-ანგარი თბილისის უძველეს პარკში, ბარათაშვილისა და ცაბაძის ქუჩების კვეთაზე - მუშთაიდში ააგეს, სადაც ჯერ კიდევ XIX საუკუნიდან იმართებოდა საცირკო წარმოდგენები და მეჯლისები და წვეულებები. 

მოძრაობის თეატრის რეპერტუარში 19 სპექტაკლია - მოძრაობაში გაცოცხლებული მსოფლიო შედევრები; თეატრს საკუთარი ბენდიც ჰყავს.

აქ სეზონი მთელი წელია, მხოლოდ ორშაბათ დღეს ისვენებენ; 

ხუთშაბათიდან კვირის ჩათვლით სპექტაკლებია, სამშაბათსა და ოთხშაბათს კი სხვადასხვა თემატური საღამო იმართება, სადაც კოქტეილსაც მიირთმევ და დროსაც საინტერესოდ გაატარებ.