KA
Dancing fountains - a landmark of Batumi

მოცეკვავე შადრევნები - ბათუმის ღირსშესანიშნაობა

ბათუმი ულამაზესი ზღვისპირა ქალაქია, რომელიც თავისი მოელვარე სანაპიროებით განსაკუთრებით მოგხიბლავს. აქ ევროპაში ერთ-ერთ ყველაზე მასშტაბურ მოცეკვავე შადრევნებს შეხვდები, რომლებიც შავი ზღვის ლაჟვარდოვანი სანაპიროს სავიზიტო ბარათია.
რეგიონი
აჭარა
ქალაქი
ბათუმი

როგორ გამოიყურება ბათუმის მოცეკვავე შადრევნები?

სამ ადგილზე განთავსებული მოცეკვავე შადრევნები ღამის ქალაქს განსაკუთრებულ ელვარებასა და ფერებს სძენს, მუსიკალურ ჰანგებში ჩაძირულ ზღვას კი იდუმალებას მატებს. სამგანზომილებიანი სანახაობა 30 წუთის განმავლობაში გრძელდება და ლაზერშოუს თანხლებით მიმდინარეობს. 

როდის შეძლებ აცეკვებული შადრევნების ხილვას?

შადრევნები ცეკვას საღამოს 9 საათზე იწყებს და სანახაობა ღამის 2 საათამდე არ სრულდება. შოუს მაყურებლებისთვის სპეციალურად მოწყობილი სივრცეებიც არსებობს.

მსგავს სანახაობას ბათუმის ძველ ბულვარსა, არდაგანის ტბაზე და ევროპის მოედანზეც იხილავ. ქართული სიმღერების გარდა, მსოფლიოს ცნობილი შემსრულებლებიდან აქ ლუჩიანო პავაროტის, ბარი უაიტის, დაიანა როსის, სტინგისა და სხვა ვარსკვლავების განუმეორებელ კომპოზიციებსაც მოისმენ.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა