მტკვარზე ტივით გასეირნება

კარგა ხნის განმავლობაში თბილისს დავიწყებული ჰქონდა წყლის ეს ტრანსპორტი, მაგრამ გასული საუკუნის ბოლოს, ქალაქის დღესასწაულის - თბილისობის დამკვიდრებასთან ერთად, ისევ გაიხსენეს და მტკვარზე მოქეიფეებით სავსე ტივები გამოჩნდა.  

დღეისათვის დედაქალაქის მცხოვრებლებსა და სტუმრებს უკვე მთელი წლის განმავლობაში შეუძლიათ ტივით გაისეირნონ და მდინარის შუაგულიდან დაათვალიერონ თბილისის ძველი უბნები, კლდეზე გადმოკიდებული აივნიანი სახლები, მეტეხის ტაძრის, აბანოთუბნის, ორთაჭალის ხედები. 

მოდერნიზებულ ტივზე ნახევარსაათიანი გასეირნება საკმარისია დაუვიწყარი შთაბეჭდილების მისაღებად. ტივზე ისმის სასიამოვნო მუსიკა, გიმასპინძლდებიან ყავითა და ჩაით, შეგიძლია დააგემოვნო ქართული ღვინო და გადაიღო ულამაზესი ფოტოები.  

შესაძლებელია წინასწარ დაჯავშნო ტური ან დაუკვეთო ის უფრო ხანგრძლივი დროით. შეგიძლია მოიწყო პრივატული ტურიც მხოლოდ შენთვის და შენთვის ძვირფასი ადამიანებისთვის. 

მდინარეზე გადაადგილებისას უსაფრთხოების ყველა ზომა დაცულია.