საროს ციხე

საროს ისტორიული წარსული

სავარაუდოა, რომ ციხე წინაქრისტიანულ ხანაში, ძვ.წ. II-I ათასწლეულებშია აგებული. ციხის გვერდით ნამოსახლარებია, სადაც მდიდარი არქეოლოგიური მასალაა აღმოჩენილი - ადრე და გვიანი ბრინჯაოს ხანის კულტურისთვის დამახასიათებელ ნივთები, აგრეთვე, შუა საუკუნეების კერამიკის ნატეხები. ეს კი იმის დასტურია, რომ სამცხე-ჯავახეთში, სოფელ საროს ტერიტორიაზე ცხოვრება, სულ ცოტა, ძვ. წ. II ათასწლეულიდან უწყვეტად გრძელდება.

საროს ციხის სტრუქტურა

საროს ციკლოპური ციხის კომპლექსი სამი ნაგებობისგან შედგებოდა, რომლებსაც საფორტიფიკაციო დანიშნულებაც ჰქონდა და ერთმანეთისგან დაშორებით მდებარეობდა. 

ციხე-კომპლექსი სხვადასხვა პერიოდშია განახლებული, თუმცა დღეს ნაგებობებისგან მხოლოდ 2,5-3 მეტრამდე სიმაღლის ნაშთებია დარჩენილი.

კედლები კი მშრალი წყობითაა ნაგები და ერთმანეთზე დაწყობილი ლოდებიდან  ზოგიერთის სიგრძე-სიგანე 2.5 მეტრსაც აღწევს.