ღვირიშის ჩანჩქერი
რაჭა-ლეჩხუმი გამორჩეული ბუნებითა და ხელთუქმნელი სილამაზით ცნობილი მხარეა. მის ყველა სოფელში ერთ საოცრებას მაინც წააწყდები, რომლის სანახავადაც კილომეტრების გავლა ნამდვილად ღირს. მათ შორის ერთ-ერთია ცაგერის მუნიციპალიტეტის სოფელ ქვედა ღვირიშთან ახლოს მდებარე ღვირიშის ჩანჩქერი. ცაგერიდან ღვირიშის ჩანჩქერამდე კი გელავერისა და ორბელის უღელტეხილები შეგხვდება, გზად სოფელ ალპანას გაივლი და აქედან სოფელ ქვედა ღვირიშში ძალიან მალე აღმოჩნდები.
რეგიონი
რაჭა-ლეჩხუმი და ქვემო სვანეთი
ქალაქი
ცაგერი
ღვირიშის ჩანჩქერის ხეობა
ღვირიშის ჩანჩქერი მთის მწვერვალიდან იღებს სათავეს და კლდოვან ქვაბულში ეშვება. გადმონატყორცნი წყალი პატარა დაგუბებას წარმოქმნის, რომელიც ნელ-ნელა იშლება და მდინარე ლაჯანურას უერთდება. მაღალი, სალი კლდეებითა და მთებით შემოსაზღვრული სივრცე იმდენად ლამაზ ხედს ქმნის, რომ ჩანჩქერზე სპეციალური პანორამული გადმოსახედიც კი არის მოწყობილი. აქედან ხელისგულივითაა გადაშლილი ხეობა, რომელიც საოცარ სიმშვიდეს მოგანიჭებს და დაუვიწყარ ემოციებს აღგიძრავს.
ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა
Cookie პოლიტიკა