სანატორიუმი „კოლხიდა"

რას გთავაზობს გამაჯანსაღებელი სანატორიუმი „კოლხიდა“?

სანატორიუმში შეგიძლია, ექიმის ზედამხედველობით ჩაიტარო ბალნეოლოგიური და სპა პროცედურები, სხვადასხვა სახის მასაჟი, მიიღო სამკურნალო-გამაჯანსაღებელი და ქვიშის აბაზანები.

სასტუმროდან 2 წუთის სავალზეა ზღვა, სადაც 250 მ სიგრძის კეთილმოწყობილი პლაჟი დაგხვდება. 

„კოლხიდაში“ ყველა პირობაა სრულყოფილი დასვენებისთვის - კომფორტული ნომრები, რესტორანი, საბილიარდო, აუზი, 3 ჰექტარზე გაშენებული საკუთარი, კეთილმოწყობილი ეზო. 

შენობაში შესასვლელად მოწყობილია პანდუსები.

დამსვენებლებისთვის, მათი სხვადასხვა ინტერესისა და გემოვნების გათვალისწინებით, მრავალფეროვანი აქტივობებიც ეწყობა: სპორტული თამაშები, ნეპტუნის დღესასწაული და დისკოთეკა;

ბუნების მოყვარულებისთვის ეწყობა ექსკურსიები კოლხეთის ეროვნულ პარკში; 

თევზაობის მოყვარულთათვის მეთევზის დღეებია გამოყოფილი; კემპინგებისა და ოჯახური პიკნიკებისათვის გათვალისწინებულია გასვლები გურიის ეგზოტიკურ  ადგილებში. 

სასტუმროს აქვს სათანადოდ აღჭურვილი საკონფერენციო დარბაზი 150 ადამიანზე და მოლაპარაკებათა ოთახები ბიზნესშეხვედრებისთვის; აგრეთვე, საბანკეტო და მიღების დარბაზები; 

ასევე, სასტუმრო გთავაზობთ სატრანსპორტო მომსახურებას.

„კოლხიდა“ ურეკის რკინიგზის სადგურიდან ავტომობილით 10 წუთის სავალზეა,  ბათუმის საერთაშორისო აეროპორტიდან ავტომობილით 1 საათი დაგჭირდება, ქუთაისის აეროპორტიდან კი - 1 საათი და 20 წუთი.