გიორგი და დავით ერისთავების სახლ-მუზეუმი

ვინ იყვნენ გიორგი და დავით ერისთავების წინაპრები?

გიორგი ერისთავი ქსნის ერისთავთა შთამომავლობას ეკუთვნოდა. მის წინაპრებს ჯერ ქსნის საერისთავო რეზიდენციაში, სოფელ ახალგორში უცხოვრიათ, შემდეგ კი სოფელ ოძისში გადასახლებულან. ერისთავების სახლ-მუზეუმი 1958  წელს დაარსდა. ის XVIII საუკუნის  ბოლოსა და XIX საუკუნის დასაწყისში ერისთავების მიერ აშენებულ სახლშია განთავსებული. 

ერისთავების სახლ-მუზეუმის არქიტექტურა

ნატეხი ქვითა და კვადრატული აგურით ნაგები შენობა სამსართულიანია და მოჩუქურთმებული აივანი ამშვენებს. მარანი და პირველი სართული, სავარაუდოდ, XVI-XVII საუკუნეებში გიორგი ერისთავის მამის, დავით როსტომის ძე ერისთავის მიერ არის აგებული, მეორე და მესამე სართულები კი - XVIII-XIX  საუკუნეებში. მუზეუმს გარს ულამაზესი ეზო აკრავს. 

მუზეუმში დაცულია დავით და გიორგი ერისთავების მემორიალური კოლექციები, საყოფაცხოვრებო ნივთები, ფოტო და დოკუმენტური მასალები.