თბილისის დიდი სინაგოგა

დიდი სინაგოგის სტრუქტურა

დიდი სინაგოგის წითელი აგურით აგებული ორსართულიანი შენობა, იუდაიზმის ტრადიციის მიხედვით, იერუსალიმისკენ (სამხრეთისკენ) არის მიმართული. 

2009 წელს შენობას რეკონსტრუქცია ჩაუტარდა. აღდგენილი ბეით ქნესეთი (ებრაულად სინაგოგა) სალოცავი და სადღესასწაულო დარბაზებისგან შედგება, აგრეთვე, ტრადიციული საქალებო გალერეა აზარასგან.

სალოცავი დარბაზის ცენტრში მდებარეობს „თება“, სადაც ლოცვის დროს რაბინი დგას, ხოლო შესასვლელის მოპირდაპირე მხარეს განთავსებულია თითქმის 150 წლის არონ-ჰაკოდეში - ადგილი, სადაც თორა ინახება.

თბილისის დიდი სინაგოგა ტურისტული თვალსაზრისითაც ერთ-ერთი მნიშვნელოვანი ობიექტია - მას ყოველდღიურად დაახლოებით 1000-მდე მნახველი ჰყავს.