თბილისის ფოტოგრაფიისა და მულტიმედიის მუზეუმი
სად მდებარეობს თბილისის ფოტოგრაფიისა და მულტიმედიის მუზეუმი და რას ნახავ აქ?
მუზეუმის სივრცეში, რომელიც თბილისის ერთ-ერთი საინტერესო სასტუმროს „სტამბის“ შენობაშია, მდიდარი მულტიმედიური კოლექციაა წარმოდგენილი. აქ თავმოყრილია თბილისის ფოტოფესტივალის ფოტო-, ვიდეო- და აუდიონამუშევრები; თბილისის ფოტოფესტივალი კი 2010 წლიდან მასპინძლობს ევროპის, ამერიკის, იაპონიის, სამხრეთ კავკასიის, თურქეთის, ირანის, ავღანეთის, ერაყის ფოტოგრაფებისა და ფოტოჟურნალისტების გამოფენებს; თანამედროვე ფოტოგრაფების თვალით და ახალი კუთხით აჩვენებს იმ თემებს, რაც აქტუალურია არა მხოლოდ ლოკალური, არამედ მსოფლიო მასშტაბით.
ისტორია ყველაზე კარგად ფოტოდან ჩანს. მუზეუმის ერთ-ერთი მასშტაბური პროექტი კი რუსეთ-საქართველოს ომს ეძღვნება - აქ, ამ ფოტო-, ვიდეო- და აუდიომასალებში, ნახავ ომის რეალობას, ცნობილი ფრანგი ვიდეოარტისტის კრისტიან ბარანის ნამუშევრებს ომის ზონიდან და ასევე მის სხვა მულტიმედიურ პროექტებს საქართველოს შესახებ.
Cookie პოლიტიკა