KA

კაიაკინგი ჯეჯორაზე

მდინარე ჯეჯორის მარშრუტი ერთი სექციისგან შედგება.
რეგიონი
რაჭა-ლეჩხუმი და ქვემო სვანეთი
ქალაქი
ონი

მდინარის სირთულე

ჯეჯორის სექციის სირთულის კატეგორიაა 3 - 3+.

ადგილმდებარეობა

სოფელი ქვედრულა, საიდანაც მარშრუტი იწყება, მდებარეობს ონის მუნიციპალიტეტში, მდინარეების - ქვედრულისა და ჯეჯორის შესართავთან, ზღვის დონიდან 1000 მ-ზე. 

მდინარე

მდინარე ჯეჯორა სათავეს იღებს კავკასიონის სამხრეთ-დასავლეთ კალთაზე, ზღვის დონიდან 2975 მ-ზე, მდინარის სიგრძეა 45 კმ, საზრდოობს თოვლის, მყინვარული, წვიმისა და მიწისქვეშა წყლებით, მარცხენა მხრიდან უერთდება მდინარე რიონს. 

მარშრუტი

მარშრუტი იწყება სოფელ ქვედრულიდან, ზღვის დონიდან 990 მ-ზე და სრულდება ქალაქ ონში, ზღვის დონიდან 830 მ-ზე. 

სექციის სიგრძეა 9 კმ, ვერტიკალური დაშვების სიმაღლე 160 მ, სირთულის კატეგორია 3 - 3+ (საშუალოდ რთული, გრძელი და რთული რეპიდები, ციცაბო ვარდნები, დიდი ქვები).

მარშრუტის სეზონურობა

მდინარე ჯეჯორაზე კაიაკინგის თვეებია აპრილი, მაისი, ოქტომბერი. 

როგორ მივიდეთ სასტარტო ადგილას

სოფელ ქვედრულამდე ქალაქ ონიდან მისვლა შესაძლებელია მაღალი გამავლობის ავტომობილით.

უსაფრთხოება 

კაიაკით დასაშვებად აუცილებელია გამოცდილება. 

რეკომენდებულია, მდინარე ადგილობრივ კაიაკერთან ერთად გაიარო ან მისგან მიიღო საჭირო ინფორმაცია. ტურის დასაჯავშნად წინასწარ დაუკავშირდი კომპანიას. 

კაიაკინგში  მონაწილეობისთვის მინიმალური ასაკია 18 წელი.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა