ქეთერისის მინერალური ვოკლუზი

რა არის ქეთერისის მინერალური ვოკლუზი?

ამ ბუნებრივ მინერალურ წყაროებს ჰიდროგეოლოგებმა „ნარზან-ვოკლუზი“ უწოდეს, რადგან ნარზანის ტიპის  ჰიდროკარბონატული კალციუმიანი წყლების ჯგუფს მიეკუთვნება. ქეთერისის წყაროების დებეტი უზარმაზარია - წამში 300-350 ლიტრს იძლევა, დღე-ღამეში კი მოცულობა 25-30 მილიონ ლიტრს აღემატება. 

აქედან სათავეს იღებს მდინარე, რომელიც სოფელ ქეთერისზე გაედინება, სადაც მინერალურ წყალზე წისქვილების კასკადია გამართული.

ქეთერისის მინერალური ვოკლუზი ბუნების ძეგლად არის გამოცხადებული.

თრუსოს ხეობაში, სოფელ კეტრისიდან 2,8 კმ-ში, მდებარეობს კიდევ ერთი ნახშირორჟანგიანი მინერალური წყარო, რომლის დებეტი დღე-ღამეში  2,5 მლნ ლიტრს აღწევს. აღმავალი წყაროს მიერ ზღვის დონიდან 2300 მეტრ სიმაღლეზე  წარმოქმნილია აბანოს მინერალური ტბა, რომელსაც ასევე ბუნების ძეგლის სტატუსი აქვს მინიჭებული.

ქეთერისიდან სტეფანწმინდამდე 32 კილომეტრია.