ვასო აბაშიძის სახელობის მუსიკალური კომედიისა და დრამის სახელმწიფო თეატრი
ამ თეატრის მუსიკალური სპექტაკლები და მიუზიკლები ნებისმიერი ასაკის მაყურებლისთვისაა. თეატრის რეპერტუარშია: „საშობაო სიზმარი“, „მერი პოპინსი“, „მუსიკის ჰანგები“, „მაკბეტი“, „ოიდიპოს მეფე“, „ტარტიუფი“ და „გაყრა“ - სპექტაკლი, რომლითაც ქართული თეატრის ისტორია დაიწყო. ეს ვასო აბაშიძის სახელობის მუსიკალური კომედიისა და დრამის სახელმწიფო თეატრია.
რეგიონი
თბილისი
ქალაქი
თბილისი
რას ნახავ ვასო აბაშიძის სახელობის მუსიკალური კომედიისა და დრამის სახელმწიფო თეატრში?
დღეს ამ სცენაზე თეატრის სამხატვრო ხელმძღვანელი დავით დოიაშვილი, კომპოზიტორ ნიკა მემანიშვილთან ერთად, კლასიკურ დრამატურგიაზე დაყრდნობით საინტერესო თეატრალურ ექსპერიმენტებს ახორციელებს.
ვასო აბაშიძის სახელობის მუსიკალური კომედიის თეატრის სცენაზე პირველი სპექტაკლი - მოლიერის „სკაპენის ოინები“ 1935 წელს დაიდგა, პირველი ქართული მუსიკალური კომედია „ხაჯარათი“ კი მაყურებელმა 1939 წელს იხილა.
თეატრს ვასო აბაშიძის - ქართველი მსახიობისა და ქართული რეალისტური სამსახიობო სკოლის ერთ-ერთი ფუძემდებლის სახელი 2000-იანი წლების შუა ხანებიდან მიენიჭა.
2021 წლიდან კი მუსიკისა და დრამის თეატრი განახლებული სახელწოდებით - „ვასო აბაშიძის სახელობის ახალი თეატრი“ ახალ მისამართზე, დავით აღმაშენებლის #182-ის ნაცვლად, დავით აღმაშენებლის #127-ში გელოდება.
ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა
Cookie პოლიტიკა