რამდენჯერაც არ უნდა ესტუმრო საქართველოს, ეს ქვეყანა ყოველ ჯერზე თავიდან გაგაოცებს, მოგხიბლავს და დროში მოგზაურობას მოგანდომებს - საუკუნეების წინანდელი განუმეორებელი ძეგლები შენს წინ გადაშლის მთელ ისტორიას და მოგიყვება ამბებს, რომლებსაც სხვაგან ვერსად მოისმენ. სწორედ ერთ-ერთი ასეთი ქმნილებაა ვარძია - შუა საუკუნეების კლდის ხუროთმოძღვრების დიდებული ანსამბლი და ერთ-ერთი ყველაზე პოპულარული ძეგლი საქართველოში.

საქართველოს ტერიტორიაზე არსებული ნაგებობების უმრავლესობა საუკუნეებს ითვლის, რადგან ეს უძველესი ისტორიისა და კულტურის ქვეყანაა, სადაც ყოველ ქალაქსა თუ სოფელში გამორჩეული არქიტექტურის ძეგლებს შეხვდები. ხერთვისის ციხე-დარბაზი სწორედ ასეთი, ერთ-ერთი უძველესი და კარგად შემონახული ნაგებობაა, რომელიც, ისტორიული წყაროების მიხედვით, სავარაუდოდ, X საუკუნეში უკვე არსებობდა. 

თუ მრავალსაუკუნოვანი ისტორიული ლაბირინთები გაინტერესებს, საქართველოს ერთ-ერთ უძველეს მხარეში - სამცხე-ჯავახეთში, ქალაქ ახალციხის მთავარ ციხესიმაგრეს უნდა ესტუმრო. ის ქალაქის ისტორიულ უბანში - რაბათში, მაღალ მთაზეა გაშენებული და ქალაქის ნებისმიერი წერტილიდან მოჩანს.

ჯავახეთის ვულკანური ზეგანი მცირე კავკასიონის დასაწყისია. საქართველოში ეს ერთადერთი ადგილია, სადაც ბევრი ტბაა. ამ ტბების დიდი ნაწილი - კარწახის, ბუღდაშენის, მადათაფის, ხანჩალის ტბები და სულდის ჭაობი ჯავახეთის დაცული ტერიტორიების ნაწილია და მკაცრი კონტროლის ქვეშ იმყოფებიან.

მინერალურ წყალ „ბორჯომს“ (Borjomi) მსოფლიოს 32 ქვეყანაში შეხვდები და ის საქართველოს ერთგვარი სავიზიტო ბარათია. ქალაქი ბორჯომი კი საქართველოს ერთ-ერთი მნიშვნელოვანი კურორტია, სადაც სამკურნალო წყაროები, წიწვოვანი ტყეები და ჰაერი განსაკუთრებულად მარგებელი თვისებებით ხასიათდება.