KA

რკონი - ჭყოპიანი - დრისის ციხე

სოფელი რკონი, სოფელი ჭყოპიანი და დრისის ციხე კასპის მუნიციპალიტეტში, მდინარე თეძმის ულამაზეს ხეობაში მდებარეობს. 13-კილომეტრიანი საფეხმავლო მარშრუტი საშუალო სირთულისაა და აღმართ-დაღმართიანი გზის გავლას, დაახლოებით, 5 საათი სჭირდება.
რეგიონი
შიდა ქართლი
სოფელი
რკონი

სოფელი რკონი

ლაშქრობა სოფელ რკონიდან იწყება, რომელიც თბილისის ცენტრიდან 70 კმ-ით არის დაშორებული და ავტომობილით დაახლოებით 2 საათის სავალზეა. სოფლის ცენტრიდან ბილიკი XI საუკუნეში აგებულ იკვის წმინდა გიორგის ეკლესიამდე მიდის. 

აქედან გზა ტყეში გრძელდება და მალე სოფელ ჩაჩუბეთის VIII-IX საუკუნეების ეკლესიამდე მიხვალ.

სოფელი ჭყოპანი

ჩაჩუბეთის ეკლესიიდან სოფელ ჭყოპიანამდე დაღმართის ჩავლა მოგიწევს, 

აქედან დრისის ციხემდე კი, სულ რაღაც, 1.5-კილომეტრიანი გზაა დარჩენილი. 

დრისის ციხე

მდინარე თეძმის მარცხენა ნაპირზე, კლდეზეა აშენებული დრისის ციხე განვითარებული ფეოდალური ხანის ძეგლია. დღემდე შემორჩენილია გალავანი, მასში ჩაშენებული 4-სართულიანი კოშკი და პატარა დარბაზული ეკლესია. იქვე სასახლე და სამეურნეო ნაგებობებიც მდგარა, რომლებმაც ნანგრევების სახით მოაღწია. 

დრისის ციხეზე ორი ბილიკი ადის - ერთი აღმოსავლეთის მხრიდან ტყის გავლით, მეორე კი დასავლეთიდან, თუმცა გაითვალისწინე, რომ ეს უკანასკნელი სალაშქროდ საკმაოდ რთულია.

Powered by Wikiloc
ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა