შოპინგი რუსთაველის გამზირზე

რას გთავაზობს რუსთაველის გამზირი?

შოპინგის დაწყება, რა თქმა უნდა, „თავისუფლების მოედნიდან“ ჯობს. აქ მდებარეობს თანამედროვე სავაჭრო ცენტრი „გალერია თბილისი“, სადაც როგორც მსოფლიოს ცნობილი ბრენდული მაღაზიებია, ისე - ქართველი დიზაინერების ბრენდული სამოსი და პროდუქცია. 

თუ რუსთაველის გამზირს რესპუბლიკის მოედნისკენ დაუყვები, აქაც ნახავ საბავშვო სამოსის, პარფიუმერიისა და კოსმეტიკის, ჩანთების, ტანსაცმლის მაღაზიებსა და „სავაჭრო ცენტრ „მერანს“ - ბრენდული, საჩუქრებისა და სუვენირების უამრავი მაღაზიით. აქ საუკეთესო კოლექციებს შემოგთავაზებენ.

რუსთაველის გამზირზე  შეგიძლია შეიძინო ყველაფერი - ტანსაცმლიდან და ფეხსაცმლიდან დაწყებული, ავეჯითა და ტექნიკით დამთავრებული. ყველაზე სასიამოვნო კი ისაა, რომ შოპინგის დროს დაღლას ვერ იგრძნობ, თითქმის ყოველ ნაბიჯზე დასასვენებელი ზონა შეგხვდება - კაფეები და რესტორნები, სადაც გემრიელად გაგიმასპინძლდებიან.