ასტრონომიული საათი

რა არის ბათუმის ასტრონომიული საათი?

ამას ბათუმის ასტრონომიული საათი გეტყვის. რეალური დროის გარდა, ის ასევე გიჩვენებს: მზის, მთვარის, პლანეტებისა და ზოდიაქოს თანავარსკვლავედების განლაგებას, მერიდიანს, ჰორიზონტს, მთვარის ფაზას და მის მოძრაობას დედამიწის გარშემო.

ასტრონომიული საათი ძველ ბათუმში, მემედ აბაშიძისა და კონსტანტინე გამსახურდიას ქუჩების კვეთაზე, ეროვნული ბანკის უნიკალური შენობის კოშკზეა განთავსებული და ბათუმის ერთ-ერთი არქიტექტურული ღირსშესანიშნაობაა.

სპეციალური მექანიზმით მომუშავე ბათუმის საათი პრაღის რატუშის ცნობილი საათის მსგავსია და საქართველოსთვის გერმანიაში დაამზადეს.