სკიტური არახვეთში

საწყისი წერტილი - 1520

უმაღლესი წერტილი - 2200 

ვერტიკალი -    + - 680

ადგილმდებარეობა

არახვეთი დუშეთის მუნიციპალიტეტში, ზღვის დონიდან 1520 მეტრ სიმაღლეზე მდებარეობს. სოფელი მდინარე მთიულეთის არაგვის მარჯვენა ნაპირზეა გაშლილი, გუდაურიდან 15 კილომეტრში. არახვეთი საქართველოს სამხედრო გზის განაპირასაა გაშენებული, ალევის ქედის ძირში. 

თბილისიდან არახვეთამდე 90 კმ-ია. ამდენად, ეს სკიტური შესაძლებელია დაიგეგმოს როგორც გუდაურიდან, ისე თბილისიდან. 

არახვეთის მარშრუტი 

მარშრუტი სოფელ არახვეთში იწყება. ასავლელია 680 ვერტიკალი. ბილიკი ტყეს მიუყვება უმაღლეს წერტილამდე, რომლის სიმაღლე 2200 მეტრია.  

ამ წერტილიდან იწყებ დაშვებას იმავე ტრაექტორიით, რომლითაც ახვედი. სასრიალო მარშრუტის ძირითადი ნაწილი ჩრდილოეთ ექსპოზიციაზე, ტყეში გადის, რაც ამ მარშრუტს ხეობის სხვა მარშრუტებისგან განასხვავებს. მთიდან გუდაურის ულამაზესი ხედები იშლება. სრიალს იმავე ადგილას ასრულებ, საიდანაც სვლა დაიწყე.  

რა უნდა გაითვალისწინო

ამ მარშრუტზე სრიალი შესაძლებელია იანვრიდან მარტის ბოლომდე. 

მარშრუტამდე მისასვლელად მაღალი გამავლობის ავტომობილი დაგჭირდება. თუ წინასწარ გექნება ინფორმაცია, რომ გზები გაწმენდილია, დაბალი გამავლობის ავტომობილით მისვლაც შესაძლებელია. 

აუცილებელი აღჭურვილობაა: სკიტურის თხილამურები, საზვავო უსაფრთხოების ჩანთა, საზვავო გადამცემი, ნიჩაბი, ზონდი და სხვა საჭირო ნივთები.

თუკი არახვეთზე წასვლას გუდაურიდან აპირებ, შეგიძლია გუდაურში არსებულ სასტუმროებში დაბინავდე.