ღვინის მუზეუმი

ქართული ღვინის ისტორია 8 000 წელზე მეტია, გრძელდება და არც დასრულდება – ეს მარადიულობაა. სწორედ ამ მარადიულობას ეძღვნება ეს ადგილი - თბილისის ძველი უბანი, სიონის ეკლესია, გარშემო ისტორიული შენობები, ძველი კონკა და ქალაქისთვის ერთ-ერთი მნიშვნელოვანი ნაგებობა - ქარვასლა, 1650 წელს აშენებული სასტუმრო მეგამოვაჭრეებისთვის, რომლებიც აქლემებით გადიოდნენ მარკო პოლოს მიერ გაჭრილ სავაჭრო მაგისტრალს.

რეგიონი

თბილისი

ქალაქი

თბილისი

ღვინის მუზეუმის ისტორია

საუკუნეების განმავლობაში ეს ულამაზესი შენობა ბევრჯერ დაზიანდა და აღადგინეს, თუმცა სარდაფებმა დღემდე პირვანდელი სახით მოაღწია.

ქარვასლის ისტორიულ სარდაფებში, რომლებიც ერთმანეთს გვირაბებით უკავშირდება და მიწის ზედაპირიდან 8 მეტრის სიღრმეზეა განთავსებული, თბილისის ღვინის მუზეუმია გახსნილი.

აქ გამოფენილია არქეოლოგიური კვლევების დროს აღმოჩენილი, ღვინის წარმოებასთან დაკავშირებული არტეფაქტები. მუზეუმის გიდები მოგიყვებიან ქართული ღვინის ისტორიას, გაგაცნობენ ღვინის დაყენების ძველ მეთოდსაც და თანამედროვე ტექნოლოგიებსაც. ამ საინტერესო ექსკურსს კი, რა თქმა უნდა, თან ახლავს ქართული ღვინის დეგუსტაცია.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა