ქალაქის ძირითადი ღირშესანიშნაობები სწორედ ძველ თბილისშია თავმოყრილი. ეს უბანი ასევე გამოირჩევა აბანოთუბნით - დღემდე მოქმედი გოგირდის აბანოებით; შარდენის ქუჩითა და მის მიმდებარე რკინისა და ბამბის რიგებით, სადაც განლაგებულია პოპულარული რესტორნები, ღია კაფე-ბარები, ღამის კლუბები და გალერეები
ნარიყალას ციხესიმაგრე, რომელიც ძველი თბილისის ყოველი კუთხიდან მოჩანს, IV -XVI საუკუნეებში წარმოადგენდა თავდაცვით ნაგებობას ადგილობრივი მმართველებისთვის.
რუსთაველის გამზირი თავისუფლების მოედნიდან იწყება და ქალაქის ცენტრად მოიხსენიება - აქ მდებარე მნიშვნელოვანი სახელმწიფო, საზოგადოებრივი, კულტურული და ბიზნეს დაწესებულებების სიმრავლის გამო.
თბილისის ფუნიკულიორი მსოფლიოს სამთო-საბაგირო გზებს შორის ერთ-ერთი უდიდესი და ულამაზესი ნაგებობაა. საბაგირო რკინიგზას მთაწმინდის პლატოზე მდებარე კულტურისა და დასვენების კომპლექსთან მივყავართ. აქვეა „ბომბორა“ - ქალაქის ყველაზე დიდი გასართობი პარკი.
„მშრალი ხიდი“ცნობილია სურათების გამოფენა-გაყიდვით, ანტიკვარიატის ბაზრობითა და „საბროკერო ბირჟით“.
თბილისის ერთ-ერთი უძველესი და ულამაზესი ქუჩა. აქ შეხვდებით ძველ არქიტექტურულ ნაგე- ბობებს, მოხატულ სადარბაზოებს და გამორჩეულ ორნამენტებს.
საქართველოს მუზეუმი 1919 წელს დაარსდა და მის ფონდებში დაცულია ბუნებისა და კაცობრიობის ისტორიის უნიკალური მასალა: 40 მილიონი წლით დათარიღებული ცხოველთა ნაშთები, პალეოლითის, ნეოლითის, ბრინჯაოს, ლითონის ხანათა და შუასაუკუნეების არქეოლოგიური და ეთნოგრაფიული კოლექციები. მის.: შოთა რუსთაველის გამზირი # 3
ხელოვნების მუზეუმის “საგანძურში” გამოფენილია წინაქრისტიანული ხანის უნიკალური არქეოლოგიური მასალა, ქრისტიანული ხანის ქართული ოქრომჭედლობის შედევრები (VII-XIX სს.), ხატები, ჯვრები, ტიხრული მინანქრის კოლექცია და ქართული ნაქარგობის უნიკალური ნიმუშები.
პირველი ქართული მარიონეტული თეატრია თბილისში, რომელიც 1980 წელს დაარსდა. თეატრის შესასვლელთან საათის კოშკია, საიდანაც 12 საათზე მექანიკური თოჯინები წუთნახევრიან წარმოდგენას მართავენ. მის.: შავთელის ქ. #13
სამება ყველაზე მაღალი მართლმადიდებლური ტაძარია საქართველოში. საკათედრო ტაძრის კომპლექსი მიწისქვეშა და მიწისზედა ნაწილებისაგან შედგება და აერთიანებს 9 ეკლესიას, სხვადასხვა დამხმარე შენობებს და ულამაზეს ბაღს.