დედოფლისწყაროს მხარეთმცოდნეობის მუზეუმი

რას ნახავ დედოფლისწყაროს მხარეთმცოდნეობის მუზეუმში?

მუზეუმის არქეოლოგიურ დარბაზში გამოფენილია დედოფლისწყაროს ტერიტორიაზე არქეოლოგიური გათხრების შედეგად აღმოჩენილი თიხისა და ბრინჯაოს საგნები (ძვ.წ. VI საუკუნიდან XVIII საუკუნემდე), ვერცხლისა და ოქროს სასანური მონეტები (VI ს.), ასევე ქართული მონეტები; 

ეთნოგრაფიულ დარბაზში კი ნახავ ესთეტიკურად გამორჩეულ, ხელით ნაქსოვ ფარდაგებს, ხურჯინებს, ფიანდაზებს; ოქრომკედით ნაქარგ ყაჯარს - ცხენის საზურგეზე დასაფარებელს; საყოფაცხოვრებო ნივთებს და XX საუკუნის ქართველ მხატვართა ფერწერულ ნამუშევრებს.

ბერლინისა და ჰალეს არქეოლოგიური ინსტიტუტები მუზეუმის პარტნიორი ორგანიზაციები არიან.

მუზეუმი ცხრა ძმის ქუჩის 10 ნომერში მდებარეობს.