ვლადიმერ მაიაკოვსკის სახლ-მუზეუმი
რას ნახავ ვლადიმერ მაიაკოვსკის სახლ-მუზეუმში?
სახლ-მუზეუმში ორი დარბაზია - მემორიალური და საგამოფენო. მემორიალურ ნაწილში ოჯახის რელიკვიები ინახება: მწერლის აკვანი, სამუშაო იარაღები, რითაც პატარა პოეტი ხისგან სხვადასხვა ნივთს აკეთებდა; აქვეა ყანწი, რომელიც აუცილებლად თვალში მოგხვდება და რომლითაც მწერლის პირველი სადღეგრძელო შეუსვამთ.
მუზეუმში მწერლის დედის ნაქარგების ხილვასაც შეძლებ; შემონახულია პოეტის მამის სამუშაო კაბინეტი, მაგიდა და საკანცელარიო ნივთები, სანადირო თოფი. მაიაკოვსკის მეტყევე მამას ბაღდათის ტყის ხეების ნიმუშების უნიკალური კოლექცია ჰქონია, ლათინური წარწერებით, რომელიც დღეს მუზეუმშია წარმოდგენილი.
სახლ-მუზეუმის პირველ სართულზე გამოფენილია ბაღდათის მუნიციპალიტეტის ტერიტორიაზე ჩატარებული გათხრებისას აღმოჩენილი ნუმიზმატიკური, არქეოლოგიური და ეთნოგრაფიული მასალები, ძალიან საინტერესო ექსპონატები, რომელთა ნახვაც ნამდვილად ღირს.
მუზეუმი ქალაქ ბაღდათში, ბაღდათის ქუჩის 51 ნომერში მდებარეობს.
Cookie პოლიტიკა