თრიალას ტბები

როგორ გამოიყურება თრიალას ტბები წელიწადის სხვადასხვა დროს?

ტბები ზღვის დონიდან 1620 მეტრ სიმაღლეზე მდებარეობს და ძირითადად თოვლის ნადნობი წყლითა და წყაროს წყელბით საზრდოობს, შესაბამისად, ტბები ყველაზე წყალუხვი გაზაფხულსა და ადრეულ ზაფხულშია. გვიან ზაფხულსა და შემოდგომაზე კი შესაძლოა დამშრალიც დაგხვდეს. ზამთარში ტბები იყინება, მაგრამ, მიუხედავად ამისა, ზედაპირზე სიარული არასაკმარისი სისქის ყინულის გამო სახიფათოა. 

როგორ მოხვდები თრიალას ტბებთან?

Ტბები ახალციხიდან 33 კილომეტრის დაშორებით მდებარეობს და მათთან მისვლა სხვადასხვა მხრიდანაა შესაძლებელი. 27 კილომეტრი ასფალტიანი გზაა, ბოლო 2 კილომეტრი კი განსაკუთრებულად ცუდი და გრუნტიანია, სადაც მსუბუქი მანქანები ვერ გადაადგილდებიან. უმოკლესი გრუნტის გზა სოფელ იჯარეთიდან მიდის. გზის საპირისპირო მხარეს კი მესხეთის თვალუწვდენელ ქედზე შთამბეჭდავი ხედები იშლება.

უკეთესი საავტომობილო გზა სოფელ ლელოვანს გაივლის, თუმცა გაითვალისწინე, რომ ამ შემთხვევაში მაღალი გამავლობის ავტომობილი დაგჭირდება.